IP: 117.*.*.* India

அஸ்ஸலாமு அலைக்கும் (வரஹ்).

சகோதரர்களே! கடந்த பத்து நாட்களாக தேர்தல் விசயமாக நீங்கள் எல்லோரும் எடுத்து வைத்த கருத்துக்களை பல பதிவுகளிலும் பார்வையிட்டே வருகிறேன். அவைகளை படிக்கும்போது சிரிப்பதா? சிந்திப்பதா? இல்லை வருத்தப்படுவதா? எதைச் செய்வது என்பது விளங்கவில்லை.

ஆவேசமும், ஆக்ரோஷமும்,கோபமும், தாபமும், சிரிப்பும், சிந்தனையும், வல்லினமும், மெல்லினமும், அறிந்ததும், அறியாததும் இப்படியாக ஏதாவது ஓன்று எல்லோருடைய வாதங்களிலும் இருக்கத்தான் செய்கிறது.

இதை பதிவு செய்த அனைவருமே உணரலாம், நீங்கள் நடுநிலையாளர்களாக இருந்தால்.
------------------------------------------
நாம் அனைவரும் இந்த கலந்துரையாடலை ஒரு நல்ல எண்ணத்துக்காக தொடங்கினாலும் அது பல திசைகளை நோக்கி பிரயாணித்து, போய் சேரவேண்டிய இடம் அறியாது திசை மாறி, தினறி, தத்தளிக்கிறது. இந்நிலை நீடித்தால் தத்தளித்துக்கொண்டுதான் இருப்போம் குறிக்கோளை அடைய முடியாது.

என்றுமே நம்மிடம் பொறுமையும், சகிப்புத்தன்மையும் இருந்து, வல்லினம், மெல்லினம் பார்த்து செயல்பட்டோமானால் நாம் அனைவரும் ஒற்றுமை என்னும் கையிற்றை பற்றிப்பிடிப்போம், போக வேண்டிய இலக்கை அடைவோம் என்பது திண்ணம்.
-----------------------------------------
இது தேர்தல் நெருங்கிய நேரமாக இருப்பதால் இந்தமாதிரி பல கலந்துரையாடல்களும், வாதங்களும் ஏற்படும். இதில் நல்ல கருத்துக்களை எடுத்து படிப்பினைப் பெறலாமே தவிர, இதனால் நாம் உடனே எந்த மாற்றத்தையும் தந்து விட முடியாது ஏனென்றால் கால அவகாசமில்லை.

அதுமட்டுமில்லாமல் இது சட்டசபைக்கானத் தேர்தல் தொகுதி முழுவதையும் சுற்றிவளைத்து அவர்களின் கவனத்தை குறுகிய காலத்தில் திருப்புவது என்பது சாதாரண விசயமல்ல. ஆனால் இது நகரசபைத் தேர்தலாக இருக்குமானால் இன்ஷா அல்லாஹ்! நம் நாட்டத்தை நிறை வேற்றலாம்.
-----------------------------------------
மக்களே!

இந்த சட்டசபைத் தேர்தல் முடிந்ததும் நாம் அனைவரும் எங்கிருந்தாலும் ஒன்றுபட்டு, ஒரு பிரயோசனமான கலந்துரையாடலை தொடங்கி நமது நகராட்சி தேர்தலுக்கு நல்லதொரு குழுவைத் தேர்ந்தெடுக்க ஆயத்தமாக வேண்டும்.

இன்ஷா அல்லாஹ்! வரும் அக்டோபரில் நகராட்சிக்கு தேர்தல் வருகிறது, இந்த முறை நாம் ஏமார்ந்தோமானால் இனி வரும் காலங்களில் செயல்படுவது மிக, மிகக் கடினம்.

எனவே மக்களே! இப்பொழுதே அதற்குண்டான ஏற்பாடுகளுக்கு ஆயத்தமாக வேண்டும்.

இலட்சக்கணக்கான ஓட்டுகள் உள்ள, பல ஜாதி, மதங்களை கொண்ட சட்டசபைத் தொகுதிக்கே ஒன்றுபட்டு நின்று ஒரு நபரை போட்டியிட வைக்க விரும்பும் நமக்கு வெறும் ஆயிரம் ஓட்டுகள் கொண்ட அதுவும் நம் மாமன், மச்சான்கள் இருக்கிற வார்டில் ஒரு நல்ல மனிதரை நிறுத்தி வெற்றிக்கொள்ள முடியாதா?

நல்ல மனிதர்களை, இறைவனுக்கு பயந்த, சுறுசுறுப்புள்ள மனிதர்களை வார்டு உறுப்பினர்களாக தேர்ந்தெடுத்து நமது நகராட்சியில் மக்களாட்சியை மலரச்செய்வோம். எல்லாம் வல்ல அல்லாஹ் அதற்கு துணை செய்வானாக ஆமீன்.

வஸ்ஸலாம்.