IP: 188.*.*.* Saudi Arabia

ஒரு விரும்பத்தகாத முடிவை அறிவித்து இன்று தௌஹீத் ஜாமாத் என் வழி தனி வழி மட்டும் இல்லை மமக காங்கிரஸ்இல் இருந்தால் நாங்கள் பிஜேபியையும் ஏதாவது வெத்து காரணம் சொல்லி ஆதாரிக்க தயங்கமாட்டோம் என்று என்று சொல்லாமல் சொல்லி இருக்கிறார்கள்;

உங்களின் ஆதரவு ஜெயாவிற்கு தேர்தல் நேரத்தில் கார்த்திக், சரத்குமார், வடிவேலு கொடுப்பது போல தான் பத்தோடு பதினொன்றுதான் என்று மேலே உள்ள அறிக்கை சொல்லாமல் சொல்லுகிறது.. இன்னும் இது போன்று ஆத்தூர் வெற்றிலை வியாபாரிகள் சங்கத்தில் இருந்து ஆவடி பொட்டிகடை சங்கம் வரை தேர்தல் நேரம் வரும்வரை ஆதரவு கொடுத்து கொண்டுதான் இருப்பார்கள் அதில் ஒன்றாக இன்று TNTJ யும் ஆகிவிட்டதை தான் என்னை போன்று அதன் தலைவர் மேல் மதிப்பு மரியாதை வைத்து இருக்கும் பலரால் சகித்து கொள்ளமுடியவில்லை..

உங்கள் மார்க்க சொற்பொழிவுகளாலும், சீர்திருத்த கருத்துகளாலும் ஈர்க்கப்பட்ட எங்களை போன்றவர்கள் இது போன்ற முட்டாள் தனமான முடிவுகளால் உங்களின் நம்பகத்தன்மையும், நிலைத்தன்மையும்தான் சந்தேககுரியதாக்கி மக்கள் மத்தியிலும் நகைபுக்குள்ளாக்கி இருக்குறீர்கள்..

எந்த கொள்கையில் அடிப்படையில் இந்த ஆதரவு?? நாம் கேட்ட இடஒதிக்கீடு கோரிக்கையை எற்றுகொண்டாரா? இல்லை தேர்தலுக்கு பின் மோடியை எக்காரணம் கொண்டும் ஆதரிக்க மாட்டோம் என்று உறுதி தந்தாரா? இல்லை சிறையில் வாடும் அப்பாவி முஸ்லீம் மக்களை விடுவிக்கிறேன் என்று சொன்னாரா? இதையே மாற்றி மமகவிற்கு கருணாநிதி தந்தாரா என்றும் நீங்கள் கேட்கலாம் .. அப்படியென்றால் அவர்கள் அப்படி முடிவு எடுத்ததால் நீங்களும் இப்படி முடிவு தான் எடுப்போம் என்று சொன்னால் இதற்க்கு எதற்கு கொள்கை, குர்ஆன் ஹதிஸ் வழி எல்லாம்.

மார்க்கத்தில் உங்களுக்கு அல்லாஹ் அதிகமதிகம் ஞானத்தை தந்து இருக்கிறான் .. பல அறிவுபூர்வமான கருத்துகளையும். மார்க்கத்தில் உள்ளதை உள்ளபடி யாருக்கும் அஞ்சாமல் எடுத்துரைத்து பெரும் புரட்சியை ஏற்படுத்தி இன்று அறியாமையில் இருந்து பலரை சத்தியத்தின் பக்கம் கொண்டு வந்த உங்கள் பங்கு மகத்தானது அதற்கு என்றும் கடமைப்பட்டு இருக்கிறோம் அதற்க்கான கூலி இறைவனிடத்தில் கிடைக்க துஆ செய்கிறோம்.

ஆனால் அரசியல் என்பது அப்படிபட்டதல்ல.. உங்களுக்கு உள்ளதை விட அதை அவதானிக்கும் பலருக்கும் என்ன முடிவு எடுக்க வேண்டும் என்ற .அறிவும் ஆற்றலும் அதிகமாகவே உள்ளது.. உங்கள் வழிகாட்டுதலின் பேரில் செம்மறியாட்டு கூட்டம் போல் கண்ணை முடி கொண்டு கருணாநிதியையோ, ஜெயலலிதாவையோ ஆதரிக்கும் நிலையில் உங்கள் அறிவுரையையும் சொற்பொழிவுகளையும் கேட்டு வளர்ந்தவர்களுக்கு இல்லை என்று உங்களுக்கு ஏன் புரியாமல் போனதோ தெரியவில்லை..

இன்றைய தேர்தல் அரசியல் சூழ்நிலை மிக குழப்பமானதாக உள்ளது ஒரு பலமான மதவாத எதிர்ப்பு கட்சி கூட இல்லை யாரை ஆதரிக்க வேண்டும் குழப்பம் தான்? ஆனால் மோடி என்ற ஒரு மிருகத்தை பிரதமராக்க ஒரு அதிகாரவர்க்கம் துடியாய் துடிக்கிறது .. இந்த நிலைமையில் எல்லா அரசியல் வல்லுனர்களும் தேர்தலுக்கு பின் ஜெயாவின் பிஜேபி ஆதரவு நிலை பற்றியே சொல்லும் வேளையில் நீங்கள் அதற்காகவாவது ஒரு உறுதிமொழி பெற்றீர்களா?

நீங்கள் இந்த சுயநல முடிவால் வரவிருக்கும் தேர்தலின் மூலம் 3-4 முஸ்லிம் MPகளின் பிரதிநிதித்துவம் கூட பாதிக்கப்படும் நிலை தானேவரும் இதையாவது கருத்தில் கொண்டீர்களா? உதாரனத்திற்க்கு மயிலாடுதுறையில் காங்கிரஸ் பிஜேபி எல்லாம் ஒரு நியாயமான அளவில் ஓட்டை பிரிக்கும் அங்கே ஒரு தனி சக்தியா இருக்கும் முஸ்லீம்களின் ஓட்டினாலும் திமுகவின் ஓட்டினாலும் வெற்றி பெற இருக்கும் நம் முஸ்லீம் பிரதிநிதி உங்கள் சொல்லை வேதவாக்காக கொண்டிருக்கும் ஒரு கூட்டத்தின் சிதறும் ஓட்டால் தோல்வியடைய வேண்டும் என்பதுதான் உங்கள் விருப்பமா?

இதை நிலை தான் வேலூர், பாண்டிச்சேரி மத்திய சென்னையிலும் (முஸ்லிம் நின்றால்) ஏற்பட வேண்டுமா ?

மொத்தத்தில் ஒரு முஸ்லிம் கூட வெற்றி பெறாமல் போக தான் இந்த தான்தோன்றி தனமான முடிவு . முடிவெடுக்க முடியாமல் இருக்கும் இந்த தருணத்தில் குறைந்த பட்சம் முஸ்லீம்கள் நிற்கும் தொகுதியிலாவது ஆதரித்து விட்டு மற்ற தொதிகளில் சூழ்நிலை தகுந்தவாறு அந்தந்த பகுதியில் முடிவு செய்து கொள்ளுங்கள் என்று சொல்லி இருந்தாலும் முஸ்லீம்கள் வாழ்த்தி இருப்பார்கள் .

முன்பு ஒரு முறை 1999 பாராளுமன்ற தேர்தலிலும் 2001 சட்டசபை தேர்தலிலும் கருணாநிதி பிஜேபி யோடு தொடர்பு வைத்தார் என்று பலம் கொண்டு எதிர்த்தோம் .உங்கள் பின்னால் ஊர் ஊராக கருணாநிதி எதிர்ப்பு ஒட்டு கேட்டு வந்தோம் .. அது போன்ற சூழ்நிலை என்றால் இன்றும் வருகிறோம் . .. ஆனால் இன்றைய முடிவு யாருக்கும் உதவாது மாறாக நம்மை நாம் தான் காட்டிகொடுக்கும் வேலையை செய்கிறோம் என்பதை வருத்ததுடன் உங்களின் நலம் விரும்பு ஆயிரக்கனகானவர்களில் ஒருவராக சொல்லி கொள்ள விரும்புகிறோம் . .