IP: 218.*.*.* Singapore

"த.மு.மு.க விலிருந்து பிரிந்த பின்னர், இது நாள் வரை, TNTJ அமைப்பினர், த.மு.மு.க / ம.ம.க. எந்த அணியில் இருக்கிறதோ அதற்கு மாற்று அணியில் தான் இருப்போம் என்று கொள்கையாகவே வைத்துள்ளனர். ஆனால், நமது சமுதாயத்தின் பலத்தை காட்ட வேண்டிய ஒரு காலகட்டத்தில் நாம் இருக்கிறோம். தங்களது வீராப்பை ஒதுக்கி வைத்துவிட்டு, சமுதாயத்திற்காக ஒரே அணியில் திரண்டு நமது பலத்தை காட்டுவோம்." (C&P) இது நான் இந்த இணையதளத்தில் பதிந்த கருத்து # 32806 தேதி 27.01.14

அந்த கொள்கை முடிவை இப்போது அறிவித்து இருக்கிறார்கள். கொள்கையாவது மண்ணாங்கட்டியாவது? '

"இது பரதேசி. பண்டாரிகளின் கூட்டம்" இந்த பொன்மொழியை, 1999-ல் பா.ஜ.க ஆட்சியை ஜெ. கவிழ்பதற்கு முன், பா.ஜ.க -வை குறிப்பிட்டு கலைஞர் உதிர்த்தார். பா.ஜ.க ஆட்சியை, ஜெ கவிழ்கிறார் என்றவுடன், அதே கட்சிக்கு ஆதரவு தெரிவித்து, பின்னர் கூட்டணியும் வைத்தார்.

இதை எதற்கு கூறினேன் என்றால், இதை போலத்தான், TNTJ வினரின் கொள்கையும்.

மற்ற தேர்தல்கள் போல் இல்லாமல், இந்த தேர்தலில், காங்கரஸ் மிகவும் பலவீனமாக இருக்கிறது. தமிழ் நாட்டை பொருத்தவரை, தி.மு.க தலைமையில் ஒரு அணி. பா.ஜ.க தலைமையில் ஒரு அணி. தனித்து அ.தி.மு.க.

பா.ஜ.க கூட்டணி வெற்றி பெறாது என்று அவர்களுக்கே தெரியும். அதனால் தான், தே.மு.தி.க வை தங்கள் அணியில் சேர்த்தால், அ.தி.மு.க எதிர்ப்பு ஓட்டுக்கள் பிரிந்து, அ.தி.மு.க அதிக தொகுதிகளில் வெற்றி பெரும். தேர்தலுக்கு பின்னர், ஆட்சி அமைக்க அ.தி.மு.க ஆதரவு தெரிவிக்கும்.

அ.தி,மு,க வின் இந்த மறைமுக முடிவு, சாமானியன் முதல் அறிவு ஜீவிகள் என்று சொல்லப்படும் தேர்தல் கணிப்பாளர்கள் வரை அனைவருக்கும் தெரியும். அப்படி இருக்க , இவர்களுக்கு (TNTJ) தெரியாமல் இருக்க வாய்ப்பு இல்லை. இவர்கள், நம் சமுதாயத்துக்கு பாதகமான முடிவை எடுத்ததற்கான காரணத்தை வல்ல அல்லாஹ்வே அறிவான். அவன் தான் சூழ்ச்சியாலர்களுக்கு மேலான சூழ்ச்சியாளன்.

அதற்காக, தி.மு.க, யோக்கியமான கட்சி என்று வக்காலத்து வாங்க முடியாது. தற்போதைய அரசியல் சூழலில் தி.மு.க பரவாயில்லை. அவ்வளவு தான். மேலும், நம் இரண்டு சமுதாய கட்சிகள் அந்த கூட்டணியில் இருப்பதால், அந்த கூட்டணிக்கு ஆதரவு தெரிவிக்க நாம் கடமை பட்டுள்ளோம்.

சகோதரர் cnash அவர்களின் கருத்தில் சிறிய நினைவூட்டல் செய்கிறேன். 2001 சட்டமன்ற தேர்தலில், ஒருங்கிணைந்த த.மு.மு.க (அப்போது PJ அவர்களும் அதில் இருந்தார்), பா.ஜ.க உடன் தி.மு.க கூட்டணியில் இருந்தாலும், பல தொகுதிகளில், அந்த கூட்டணிக்கு ஆதரவு தெரிவித்து தெரிவித்து இருந்தனர்.

'அண்ணன்' சொல்வதே வைர வரிகள் என்று தம்பிமார்கள் இருக்கிறார்களா? அல்லது அல்லாஹ் தந்த பகுத்தறிவை பயன்படுத்தி, இந்த தேர்தலில் சமுதாயத்துக்கு எது நல்லது என்று முடிவு எடுக்கிறார்களா? பொறுத்து இருந்து பாப்போம்.

வல்ல ரஹ்மான், நம்மிடையே ஒற்றுமையை ஏற்படுத்த போதுமானவன்.

-சாளை அப்துல் ரஸ்ஸாக்.