IP: 124.*.*.* India

கூட்டணி சமன்பாடுகள் இறுதிக் கட்டத்தை அடைந்துள்ள நிலையில் திமுக கூட்டணியில் வேலூர், மயிலாடுதுறை ராமநாதபுரம் ஆகிய மூன்று தொகுதிகளில் முஸ்லிம்கள் களம் இறங்கியிருக்கிறார்கள்.

அதிமுக, கூட்டணி தர்மத்தை மீறி செயல்பட்டு வலுவான கூட்டணி நட்பை முறித்துக் கொண்டார்கள். கைபர் கணவாய் வழியே வந்த ஆரியர்கள் என்று அவமானப்படுத்தப் பட்ட பாரத ஜனதா கட்சியினர் வஷிஸ்டர் வாயால் பிரம்மரிஷி என்று அழைக்கப் பட்டதுபோல், ஆரியரை எதிர்த்த திராவிட தளபதி வைக்கோ, தானே ஆரியப் படையின் தளபதியாக விசுவரூபம் எடுத்து திராவிட பாரம்பரியதுக்கே களங்கம் உண்டாக்கி இருக்கிறார்.

திராவிடம் என்றால் என்னவென்றே தெரியாத விஜயகாந்த் மதவாத சக்திகளுக்கு தோள் கொடுத்திருக்கிறார்.ஜாதி உணர்வுகளை தூண்டி கட்சி வளர்த்துக் கொண்டிருக்கும் ராமதாஸ் இந்தக் கூட்டணிக்கு சம்மதம் தெரிவித்திருக்கிறார்.

மொத்தத்தில் இந்த தேர்தலில் கருணாநிதியை எதிர்க்கிறோம் என்று கூறிக் கொண்டு எல்லோருமே எரியும் நெருப்பில் எண்ணெய் ஊற்றப் புறப்பட்டிருக்கிறார்கள்.

சிறு நெருப்புக்கு பயந்து பெரு நெருப்பில் வீழ்வதற்கு தங்களை தயார் படுத்திக் கொண்டிருக்கிறார்கள். மத்தியில் பாரத ஜனதா கட்சி ஆட்சிக்கு வர இவர்கள் எல்லோரும் அச்சாரம் கொடுத்திருக்கிறார்கள். கம்யூனிஸ்ட்கள் மட்டும் தங்கள் மரியாதையை தக்க வைத்துக் கொண்டு அக்கினிப் பரீட்சைக்கு தயாராகி இருக்கிறார்கள்.

இந்த நாட்டை 50 ஆண்டுகளுக்கு மேலாக ஆண்டு வரும் காங்கிரஸ், மரணப் படுக்கையில் இருந்து கொண்டு இந்த அவலங்களைப் பார்த்துக் கொண்டு செய்வது அறியாது திகைத்துக் கொண்டிருக்கிறார்கள்.

மதவாத பிஜேபி ஆட்சிக்கு வந்து விடக் கூடாது என்ற நிலைப்பாட்டில் இருக்கும் திமுக அந்த நிலைப்பாட்டை அங்கீகரிக்கும் இஸ்லாமிய இயக்கங்கள் மூன்று முஸ்லிம் உறுப்பினர்களை மக்களவைக்கு அனுப்பும் பேற்றை முதல் முறையாக பெற்றிருக்கிறார்கள். இந்த சூழ் நிலையில் ஒரு தெளிவற்ற நிலைப்பாட்டை முஸ்லிம்களை பிரநிதிப் படுத்தும் இன்னொரு முஸ்லிம் அமைப்பின் தலைவர் பீ.ஜைனுல் ஆப்தீன் அவர்கள் எடுத்திருப்பது முஸ்லிம் மக்களிடையே, குறிப்பாக அவரது ஆதரவாளர்களிடையே கூட ஒரு சலசலப்பை ஏற்படுத்தியுள்ளது.

அவர் மூசா நபியை விட உயர்ந்தவரும் அல்ல, பிர்அவனை விட கொடியவருமல்ல. சாதாரண மனிதன் என்ற வகையில் தவறான முடிவுகளை யாரும் எடுக்க வாய்ப்புண்டு. அதன் பிறகு தன் தவறுகளை தனிமையில் உட்கார்ந்து சிந்தித்து, உண்மையை உணர்ந்து மனம் திருந்தி சரியான வழியை தேர்ந்து எடுப்பதும் உண்டு.

அந்த வகையில் இப்போது உங்கள் தங்கள் நிலைப்பாட்டை மாற்றிக் கொண்டு, ஒரு மதவாத சக்தி இந்த நாட்டின் அரியணையில் அமர்ந்து விடக் கூடாது என்ற ஒரே காரணத்துக்காகவாவது , திமுக கூட்டணியை ஆதரிக்க வேண்டும் என்று பீஜே அவர்களை அல்லாஹ்வின் பெயரால் கேட்டுக் கொள்கிறோம். இந்த வரலாற்றுப் பிழையை நீங்கள் செய்து முஸ்லிம்களின் துரோகிகளின் வரிசையில் உங்களை இணைத்துக் கொள்ளாதீர்கள் என்று வேண்டிக் கொள்கிறோம்.

VA ATHEEULLAAHA VA RASOOLAHOO VA LAA THANAAZAOO FA THAFSHALOO VA THAH'THABA REEHUKUM VASBIROO. INNALLAAHA MA'ASSAABIREEN.

இந்த இறைமறை வசனங்களுக்கு நீங்களே தமிழ் அர்த்தமும் எழுதியிருக்கிறீர்கள் அல்லாஹ் மிக்க அறிந்தவன். .