IP: 116.*.*.* India

ஷுஅய்ப் காக்கா மருத்துவமனையில் சேர்க்கப்பட்ட அன்று இரவு தூக்கம் தொலைந்து மனதின் சம நிலை குலைந்தவர்களில் நானும் ஒருவன்.

கட்டுரையாளர் ஒரு செய்தியை மறந்து விட்டிருக்கின்றார். கே.எம்.டி. மருத்துவமனையில் பணியாற்றும் சுஐப் காக்காவின் உடன் பிறப்பிடம் மருத்துவர் பாவ நாசகுமார் பின் வருமாறு சொன்னாராம்.

" மதுரை வரைக்கும் ஆள் தாங்கமாட்டார் என நான் நினைத்தேன். இறைவனின் அருள்தான் அவரது ஆயுளை நீட்டித்துள்ளது,"

ஆமாம் ஷுஅய்ப் காக்கா ! நீங்கள் பல்லாண்டு உடல் நலத்தோடு வாழ வேண்டும். பேரன் பேத்திகளை காண வேண்டும். அத்துடன் உங்களது கருத்துக்களையும் எழுத்துக்களையும் நகைச்சுவையையும் நாங்கள் தொடர்ந்து ரசிக்க வேண்டும். அல்லாஹ் உங்களை பாதுகாப்பானாக !

ஒளியின் அருமை இருளில் தெரியும் என்பது போல உடல் நலத்தின் அருமை நோய் வாய்ப்படும்போதுதான் தெரியும்.

கிராமங்களிலும் நகரங்களிலும் சாலைகளில் அன்றாடம் வாழ்க்கை இயல்பாக தொடர்கின்றது. அதைப்பார்க்கும் நாம் உலகம் இயல்பாகவும் சீராகவும் இயங்கிக் கொண்டிருக்கின்றது என நினைக்கின்றோம்.

ஆனால் அருகிலுள்ள மருத்துவமனைக்கு போய் பார்த்தால் நமது முந்திய நினைப்பு மாற்றிக் கொள்வோம்.

தீராத நோய் உடையோர் , விபத்துக்களில் சிக்கி உறுப்புக்கள் சிதைந்தவர்கள் , உயிருக்கு கெடு வைக்கப்பட்டு போராடுபவர்கள் , முதியவர்கள் .

நோயாளிகளின் நிலைமை குறித்தும் , தாறுமாறான மருத்துவக்கட்டணத்தை எப்படி செலுத்துவது என்ற இரட்டை பதைபதைப்பில் தவிக்கும் உறவினர்கள்.

பணத்தை அள்ளி விட்டு செலவழித்தும் மரணத்தை தழுவியவர்கள்........

என ஒரு மருத்துவமனைக்குள் ஒன்பது விதமான உலகங்கள்.

நலமாக வாழ்பவர்கள் தங்களுக்கு அளிக்கப்பட்ட வாழ்வின் அருட்கொடைகளை முழுமையாக புரிந்து கொள்ளவேண்டும் என்றால் ஒரு நடை மருத்துவமனைக்கும் மைய்யத்துக்காட்டிற்கும் சென்று வர வேண்டும்.