IP: 58.*.*.* Thailand

தம்பி சாலிஹ் அவர்களுடைய ஆதங்கம் புரிகிறது. அதே போல், தம்பி முத்து இஸ்மாயீல் உடைய ஆர்வமும் நன்றாகவே படுகிறது.

பல மாதங்கள் கஷ்டப்பட்ட ஒருவழிச்சாலை, ஒரு வழியாக முடிவுக்கு வருகிறதே என்ற மன திருப்தி. ஆனால், இந்த நேரத்தில் நாம் ஒன்றை மறந்து விடுகிறோம். ரோடு போடுகிறார்கள் சரி. அந்த ரோடு தரமாக, ஒப்பந்த புள்ளியில் குறிப்பிட்டவாறு போடபடுகிறதா? என்று யாராவது கண்காணிக்கிறார்களா?

முன்னர், ஊரின் உள்ளே போடப்பட்ட சில சாலைகளை, அது போடப்பட்டுக் கொண்டிருக்கும் நேரத்தில், ஊழல் எதிர்ப்பு இயக்கத்தினர் அந்த பணிகள் முறையாக கண்காணித்து, பல சோதனைகள் செய்து, அந்த சாலைகள் தரமானதாக அமைய உறுதுணையாக இருந்தனர்.

அந்த நடவடிக்கை காரணமாகவே, தரம் குறைந்து போடப்பட்டுக் கொண்டிருந்த (தம்பி சாலிஹ் அவர்கள் சொல்லும்) நைனார் தெரு சாலை இன்றுவரை முழுமை பெறாமல், பாதியிலே நிற்கிறது. இன்று அந்த சாலை விவகாரம் வழக்கில்/ மேல் அதிகாரிகளின் மேஜையில் இருக்கிறது என்று நினைக்கிறேன். மற்ற சாலைகளை முறையாக கண்காணித்த ஊழல் எதிர்ப்பு இயக்கத்தினர், அதே நேரத்தில் போடப்பட்ட மருத்துவர் தெருவை சாலையை ஆய்வு செய்யவில்லை. அதற்கான காரணத்தை அவர்களே அறிவார்கள்.

மற்ற சாலைகளை விட இந்த சாலையில் கனரக வாகனங்கள் அதிகம் செல்லும். அதன் அடிப்படையிலே, ஒப்பந்தப்புள்ளியிலும் அந்த சாலையின் specification குறிப்பிட்டு இருப்பார்கள். அந்த specification படி அந்த சாலை போடப்படுகிறதா? என்று ஊழல் எதிர்ப்பு இயக்கத்தின் உறுப்பினர்கள் கள ஆய்வு செய்வார்கள் என்று எதிர்பார்க்கலாம்.

இத்தனை மாதங்கள் கஷ்டப்பட்ட சாலை, தரம் குறைந்ததாக இல்லாமல், முறையாக நடக்க நாம் அனைவரும், குறிப்பாக அந்த தெருவாசிகள் கண்காணிக்க வேண்டும்.

தரமானதாக சாலை அமையும் என்ற நம்பிக்கையில்,

- சாளை அப்துல் ரஸ்ஸாக்.