IP: 58.*.*.* Thailand

சகோதரர் சாலிஹ் அவர்களுக்கு,

ஊழல் இயக்கத்தினரின் கண்காணிப்பு பணியை பாராட்டியும், மருத்துவர் தெரு சாலை விஷயத்தில் என்னுடைய சந்தேகங்களுக்கு பதில் அளித்தமைக்கு நன்றி! அதே நேரத்தில் என்னுடைய கருத்தை முழுமையாக படிக்கவில்லை என்று நினைக்கிறேன்.

சாலைப்பணிகள் உட்பட நகரில் மக்கள் வரிப்பணத்தில் செய்யப்படும் நகரின் அனைத்து பணிகளையும் மக்கள் கண்டிப்பாக கண்காணிக்க வேண்டும். இது நம் அனைவரின் மீதான கடமை. ஆனால் இந்த பொறுப்பை ஒரு குறிப்பிட்ட அமைப்பு தான் செய்ய வேண்டும் என எதிர்ப்பார்ப்பது நியாயமானதாக தெரியவில்லை. ......

ஊரின் பிற பொது நல அமைப்புகள் (ஊழல் எதிர்ப்பு இயக்கம் உட்பட), தனி நபர்கள் என இதனை கண்காணிப்பது அனைவரின் பொறுப்பு.(C & P)

ஆனால், என்னுடைய பதிவில் உள்ள "இத்தனை மாதங்கள் கஷ்டப்பட்ட சாலை, தரம் குறைந்ததாக இல்லாமல், முறையாக நடக்க நாம் அனைவரும், குறிப்பாக அந்த தெருவாசிகள் கண்காணிக்க வேண்டும்" (C & P) என்ற கருத்தை படிக்க மறந்து விட்டீர்கள் என்று நினைக்கிறேன். இதில் அனைவரையும் குறிப்பாக அந்த தெருவாசிகளையும் குறிப்பிட்டுள்ளேன்.

"இந்த சாலை குறித்த தொழில்நுட்ப விபரங்களை நகர்மன்றத் தலைவர் வெளியிட்டார். இது பொது தளத்தில் உள்ளது". (C & P)

என்னுடைய பதிவிலும் "ஒப்பந்தப்புள்ளியிலும் அந்த சாலையின் specification குறிப்பிட்டு இருப்பார்கள்".(C & P) தலைவி அவர்கள், மக்கள் அனைவரும் அறியும் பொருட்டு பொது தளம் (internet) வெளியிட்டு உள்ளார். பாராட்டுக்குரியது.

ஆனால், எத்தனை பேர், பார்த்திருப்பார்கள்? அப்படியே பார்த்திருந்தாலும், எத்தனை பேருக்கு அந்த தொழில்நுட்ப விபரங்கள் தெரியும்?. ஊழல் எதிர்ப்பு இயக்கத்தின் உறுப்பினர்கள் சிலருக்கு அந்த தொழில்நுட்ப ஞானம் இருக்கும் என்பதனால் தான் அதை குறிப்பிட்டேன்.

அதை தவிர, அந்த இயக்கத்தை குறை கூறும் எண்ணம் இல்லை. ஏற்கனவே போடப்பட்ட ஆசாத் தெரு மற்றும் அப்பா பள்ளி தெரு ஆகியவை, இந்த இயக்கத்தினர், அந்த சாலைகள் தரமானதாக அமைய உறுதுணையாக இருந்தனர் என்று பாராட்டி தான் கருத்து பதிந்து இருந்தேன்.

நைனார் தெரு சாலை, தரமானதாக போடவேண்டும் என்று போராடியது பாராட்டப்பட வேண்டிய செயல். அதே நேரத்தில், பணிகள் பாதியில் நின்றதனால், அந்த தெருவாசிகள், இந்த ஒன்றரை ஆண்டுகளாக படும் அவதியின் பிரதிபலிப்பு தான், தம்பி KKS முஹம்மத் சாலிஹ் அவர்களின் ஆதங்கம்.

குறிப்பாக மருத்துவர் தெருவில் அந்த இயக்கத்தினர், ஆய்வு செய்யாததற்கு, தாங்கள் குறிப்பிடும் காரணங்களை அறியும் முன், நீங்கள் ஒரு "அது நகர்மன்றத் தலைவரின் தாயார் வசிக்கும் சாலை என்பதால் என்று தாங்கள் கூற வருகிறார்களா? (C & P)

எனக்கு கிடைத்த தகவல் முழுமையானதாக இல்லை என்ற விபரம் உங்களின் விளக்கத்தில் தெரிந்து கொண்டேன். ஆனால், நீங்கள் குறிப்பிடும் முன் வரை, நான் அப்படி சந்தேகப்படவில்லை. உங்களின் பதிவிலிருந்து சந்தேகம் நீக்கப்பட்டுள்ளது.

தணிக்கை (கணக்கு) விஷயம் வேறு, போடப்படும் சாலையின் தரத்தை ஆய்வு செய்வது வேறு. "ஊழல் எதிர்ப்பு இயக்கம் குறிப்பிட்ட தெருக்கள் - அப்பாபள்ளித் தெரு சாலை, ஆசாத் தெரு சாலை, நெய்னார் தெரு சாலை. இந்த சாலைகள் ரேண்டமாக தேர்வு செய்யப்படவில்லை. இந்த மூன்று சாலைகளும் தேர்வு செய்யப்பட்ட காரணம் - இந்த பணிகளின் தரத்தை ஆரம்பத்திலேயே, எளிதாக, சிக்கனமான முறையில் சோதித்து விடலாம் என்பதுதான்.

அதாவது - குறிப்பிடப்பட்டுள்ள அளவுக்கு சாலை தோண்டப்படிருக்கிறதா என உறுதி செய்துக்கொண்டால் போதுமானது. அப்படி தோண்டப்படவில்லை என்றால், அந்த ஆதாரத்தை கொண்டு ஆட்சியரிடம் புகாரை தெரிவிக்கலாம். பிற சாலைகளைபற்றி புகார் தெரிவிக்கும்போது - நம் மனதில் அவை முறையாக போடப்படவில்லை என்று தெரிந்த்திருந்தாலும், அவைகள் குறித்து சாலைகள் முழுமையாக போடப்பட்டப்பின் - அதற்கு என உள்ள தர பரிசோதனை நிறுவனங்களிடம் சுமார் 20,000 ரூபாய் வரை கட்டணம் செலுத்தி, சோதனை செய்ய சொல்லி - ....(C&P)

என்னுடைய கேள்வி, இந்த 3 சாலைகள் மட்டும் தோண்டப்பட்ட நிலையிலேய சோதனை செய்யப்பட்டதையும், அதற்கு கட்டணங்கள் ஏதும் செலுத்தப்படவில்லை என்பதையும் உங்கள் விளக்கம் தெரிவிக்கிறது. ஆனால் மற்ற சாலைகளை சோதனை செய்யாததற்கு நீங்கள் கூறும் உங்களின் கருத்தில் முரண்படுகிறீர்கள்.

கடைசியாக, இந்த தலைப்பின் கருத்துகள் திசை மாறி போகிறது. நமக்கு இந்த சாலை, ஒப்பந்தப்புள்ளியில் குறிப்பிட்ட தொழில்நுட்ப விபரங்கள் படி போடப்படுகிறதா? என்று கண்காணிக்க வேண்டிய பொறுப்பு, அந்த தெருவாசிகள், அந்த பகுதியின் 11 மற்றும் 13-ம் வார்டு நகர்மன்ற உறுப்பினர்கள், அனைத்து பொதுநல அமைப்பினர் ஆகியோரை சாரும்.

சாலை தரமானதாக அமைய விரும்பும்,

-சாளை அப்துல் ரஸ்ஸாக்.