IP: 116.*.*.* India

குழந்தை இல்லாதவர்களிடம் கேட்டுப் பாருங்கள். அவர்கள் ஆதங்கத்தை சொல்வார்கள். "வேப்ப மரம் சுற்றி வந்தேன் அரச மரமும் பூத்ததம்மா" என்று ஒரு பெண் பாடுவதை கேட்டிருக்கிறீர்களா.

நமது நாட்டின் சாபக்கேடு நமக்கு வாய்க்கும் முதல்வர்களும் பிரதமர்களும் திருமணமாகாதவர்கள் அல்லது குழந்தை பேறு இல்லாதவர்கள். காமராஜர்,அண்ணா, எம்ஜியார்,ஜெயலலிதா.. மத்தியில் வாஜ்பாய், தற்போது பிரதமர் கனவில் மிதக்கும் நரேந்திர மோடி, ராகுல் காந்தி, ஜெயலலிதா, மம்தா, மாயாவதி... இப்படி நீண்டு கொண்டு போகிறது குடும்பம் என்று இல்லாத தலைவர்கள் பட்டியல். பாவம் கருணாநிதி மட்டும் பரமசிவன் போல், முருகனைப் போல் மனைவி துணைவி என்று ஒன்றுக்கு மேல்பட்ட பெண்கள் மக்களைப் பெற்ற மகராசிகள்...

பல் உள்ளவன்தான் பட்டாணிக் கடலை கடிக்க முடியும். கொண்டை உள்ளவள்தான் பூ சூடிக் கொள்ள முடியும். மனைவி மக்கள் பாசம் நேசம் இவற்றை அனுபவிக்க கொடுப்பினை வேண்டும்.

ஆனால் இறைவன் அவன் திருமறையில் சொல்வதுபோல் மக்களும் செல்வங்களும் இவ்வுலகின் அலங்காரங்கள் என்பது மட்டுமல்ல அவை உங்களுக்கு சோதனையும்தான்.கலைஞர் முத்தமிழ் அறிஞராக இருக்கலாம். குறளோவிய நாயகனாக இருக்கலாம். அரசியல் சாணக்கியனாக இருக்கலாம். முஸ்லிம்களின் நண்பனாக இருக்கலாம். நான் இறைவனை நம்பாவிட்டாலும் இறைவனை நம்புகிறவர்களை நம்புகிறேன் என்று வசனங்கள் பேசலாம். ஆனால் ஒரு முறை திரு குர்ஆனை திறந்து பார்த்து இந்த இறைவசனங்களை படித்து உணர்ந்து செயல்பட்டு இருந்தால் இந்த அவச் சொல்லுக்கு ஆளாகி இருக்க மாட்டார்.

இப்போதும் காலம் கடந்து விடவில்லை, இந்த 90 வயது இளைஞனிடம் கூட்டணி நண்பர்கள் இந்த திருமறை வசனங்களை ஓதி காட்டுங்கள்."எப்பொருள் யார் யார் வாய் கேட்பினும் அப்பொருள் மெய்ப்பொருள் காண்பது அறிவு" என்பது இந்த குறளோவிய நாயகனுக்கு எளிதில் புரிந்து விடும்.