IP: 116.*.*.* India

தவறான முடிவுகள் எடுப்பதில் தவறில்லை. ஆனால் அது தவறு என்று உணர்ந்த பிறகு, உள்ளம் உறுத்தும் போது, ஈகோ பார்க்காமல் அதை திருத்திக் கொள்ளும் மனோ பக்குவம் - தான் செய்தது தவறுதான் என்று சமுதாயத்தின் முன்னே துணிந்து சொல்லக் கூடிய தைரியம் அந்த மனப் பக்குவத்தை அல்லாஹ் நம் எல்லோருக்கும் தந்தருள்வானாக.

இப்போதுள்ள அரசியல் சூழலில் நாம் திமுகவை தவிர யாரை ஆதரித்து வாக்களித்தாலும் அது பீஜெபீக்கு ஆதரவான வாக்காகவே இருக்கும். மாறாக காங்கிரசுக்கு வாக்களிக்கலாம். சுவர் இருந்தால்தான் சித்திரம் எழுத முடியும். அது கோணல் மாணலாக இருந்தாலும் திருத்தி வரையலாம். ஆனால் சுவரையே இடித்து தரை மட்டமாக்கி விட்டால்..

நமது நாடு மதசார்பற்ற நாடு. ஊழல்கள் புரையோடிப் போய் இருப்பது உண்மைதான். அதற்கு நாமும் உடந்தைதான். IF YOU CANNOT SOLVE A PROBLEM, THEN YOU ARE PART OF THAT PROBLEM என்று ஆங்கிலத்தில் சொல்வார்கள்.அதை சரி செய்ய முயற்சிகள் செய்வோம். ஆனால் சின்ன நெருப்புக்கு பயந்து பெரிய நெருப்பில் விழலாமா - மூட்டை பூச்சியை ஒழிக்கிறேன் என்று சொல்லி வீட்டையே தீ வைத்துக் கொளுத்தலாமா. மத வெறியர்களிடம் நாட்டை ஒப்படைத்தால் ஒரு வேளை ஊழல் ஒழியலாம். அதற்குள் முஸ்லிம்களே ஒழியலாம். நாடு பல இரத்தக் களரிகளை சந்தித்து இருக்கிறது. குஜராத் கலவரம் முசாபார் நகர் கலவரம் - பாபர் மசூதி இடிப்பின்போது நடந்த கலவரம்.இவைகளை நினைத்து பார்த்து, நாம் சூடுபட்ட பூனைகள். மறந்தும் அடுப்படிக்கு போய் விடக்கூடாது.

பீஜே அவர்களுக்கு தொண்டர் கூட்டம் உண்டு. அவர் சரியாக சொன்னாலும் தப்பாக சொன்னாலும் அதை அப்படியே ஏற்று நடைமுறைப் படுத்த துடிக்கும் ஒரு இளைஞர்படை அவரிடம்.உண்டு. அந்த உண்மையை மறைக்க முடியாது.

உங்கள் மீளாய்வுக்கு நன்றி. நல்லதொரு மாற்று முடிவை அறிவியுங்கள்.இந்த சமுதாயம் நன்றியுடன் உங்களை நினைத்துப் பார்க்கும்.

நடந்தவை நடந்தவைகளாக இருக்கட்டும், இனி நடப்பவை நல்லவைகளாக இருக்கட்டும்.