IP: 117.*.*.* India

இச்செய்தியின் கீழ் பதிவு செய்யப்பட்டுள்ள கருத்துக்களில் ஒன்று:-

தற்போதுபோல் அப்போதும் இதே "KEPA" அமைப்பு அத்துனை அரசியல் கட்சிகளிடமும் எதிர்ப்பு நிலை கடிதம் கேட்டிருந்தால் தந்துதான் இருப்பார்கள். (c & p)

(1) KEPAவைப் பொருத்த வரை, நடப்பு தேர்தலில் அது எந்த விதமான அரசியல் நிலைபாட்டையும் எடுக்கவில்லை.

(2) ஒரு கட்சியிடமிருந்து பெறப்பட்டுள்ள DCW ஆலை தொடர்பான வாக்குறுதிக் கடிதம், அவர்களாகவே அளித்ததே தவிர KEPA யாரிடமும் கடிதம் கோரவில்லை.

(3) KEPA கூட்டிய அனைத்து ஜமாஅத் - பொதுநல அமைப்புகள் கூட்டத்தில், வேட்பாளர் தந்த அக்கடிதத்தை வாசிக்கக் கோரியபோது கூட, “கடிதத்தை வாங்கி வைத்துக்கொள்வோம்... வாசிக்கத் தேவையில்லை... இதுபோல, மற்ற கட்சிகளின் வேட்பாளர்கள் கடிதம் தந்தாலும் வாங்கி வைத்துக்கொள்வோம்... KEPA யாரிடமும் கடிதம் பெற்ற செய்தியை வெளியிடாது... கடிதத்தை அளித்தவர்கள் - தாங்கள் இவ்வாறு கடிதம் அளித்துள்ளோம்” என்று தமது பரப்புரையில் கூறுவதில் KEPA குறுக்கே வராது...” என்று கூட்டத்திலிருந்த அனைவரும் ஒரே குரலில் கூற, அதன்படி முடிவானது.

(4) “DCW ஆலையின் உற்பத்தி விரிவாக்கத் திட்டம் அடுத்தகட்டமாக, தமிழ்நாடு மாசு கட்டுப்பாட்டு வாரியத்தின் அனுமதியை எதிர்பார்த்திருக்கிறது. எனவே, ஆளுங்கட்சியின் தூத்துக்குடி மாவட்டச் செயலாளராகவும், அமைச்சராகவுமுள்ள திரு.எஸ்.பி.சண்முகநாதன் அவர்களைச் சந்தித்து கோரிக்கை மனு அளிக்கலாம்” என்ற கருத்து வெளிப்படுத்தப்பட்டபோது கூட, “அவசியம் செய்ய வேண்டிய வேலைதான் இது என்றாலும், இப்போதைக்கு மாவட்ட ஆட்சியரிடம் தேர்தலுக்கு முன்பாகவும், அமைச்சரிடம் தேர்தலுக்குப் பிறகும் கோரிக்கை வைக்கலாம்” என்றே அக்கூட்டத்தில் முடிவு செய்யப்பட்டது.

எனவே, தயவுகூர்ந்து உண்மை நிலையறியாமல் இங்கே கருத்துப்பதிவு செய்வதன் மூலம், எல்லோரையும் அரவணைத்து உளத்தூய்மையுடன் இயங்கி வரும் ஓரமைப்பின் நற்பெயருக்கு களங்கம் ஏற்பட - யாரும் விரும்பியோ, விரும்பாமலோ காரணமாகிவிட வேண்டாம் என பணிவுடன் வேண்டுகிறேன். நன்றி.