IP: 180.*.*.* India

எனது நினைவில் வாழும் முஹம்மது லெப்பை அவர்களின் மறைவு செய்தி அதிர்ச்சி அளிக்கும் செய்தியாக இன்று காலை என்னை வந்தடைந்தபோது அடி வயிற்றில் அமிலம் சுரந்தது.

மார்க்க விஷயங்களில் பேணுதல் உள்ளவர். தப்லீக் தாவத் பணியில் தன்னை முழுமையாக ஈடுபடுத்திக் கொண்டவர். தொழில் மாணிக்கம் என்பதுபோல் அவர் உள்ளமும் மாணிக்கம். கித்மத்தில் முன்னணியில் நிற்பவர். அவர் ஜமாத்தில் வழி நடத்துபவராக சென்றால் அவருடன் இணைந்து செல்ல மனம் நாடும்.

கடந்த ஹஜ்ஜுப் பெருநாளில் கொழும்பில் காலை உணவை அவரே முன்னின்று சமைத்தார். அதை நான் உள்பட பலரும் ரசித்து சுவைத்து சாப்பிட்டு அவர் ஹக்கில் து ஆ செய்தோம். இன்றும் அந்த ருசியும் தரமும் நாவில் எச்சில் ஊற வைக்கிறது.இனி வரும் பெருநாள்களில் இன்ஷா அல்லாஹ் நீங்கள்தான் சமைத்து தர வேண்டும் என்று அவரிடம் நேரடியாகவே நான் சொல்லி சிரித்து பேசிக் கொண்டிருந்தேன்.

மர்ஹூம் அவர்கள் முஸ்லிம்கள் நிறைந்த புகழ்பெற்ற நிந்தவூரிலே வபாத்தான சேதி மன நிறைவு தருகிறது. அல்லாஹ் அவர்களின் பிழைகளை பொறுத்து, நல அமல்களை கபூல் செய்து மேலான சுவர்க்க வாழ்வை கொடுத்தருள்வானாக.அவரது மண்ணறையை சுவர்க்க பூங்காவாக்கி வைப்பானாக. அவர் இல்லாளுக்கும் தந்தைக்கும் உறவினர்களுக்க்ம் பொறுமையை கொடுத்தருள்வானாக.ஆமீன்.