IP: 116.*.*.* India

கருத்து பதிவுகள் எனபது, இங்கே வெளியிடப்படும் செய்திகள் பற்றி அவரவர்கள் என்ன நினைக்கிறார்கள் என்பதுதான். அது இணையதள நிர்வாகிகளுக்கு உடன்பாடானதாக இருக்க வேண்டும் அல்லது மற்றவர்கள் கருத்துடன் ஒத்துப் போகவேண்டும் என்ற நியதி இல்லை. உணர்வுகள் காயப்படாமல், தனி மனித விமர்சனங்கள் இல்லாமல் இருக்க வேண்டும். அதுவும் கூட தன் பாரிய பால்ய நண்பர் என்றால் கொஞ்சம் உரிமை எடுத்து அவரையும் விமர்சிக்கலாம். அதை sports ஆக அவர் எடுத்துக் கொள்வார் என்ற அதீத நம்பிக்கை நமக்கு இருந்தால்....இப்போது விஷயத்துக்கு வருவோம்.

காயல்பட்டினம் சுற்று சூழல் பாதுகாப்பு இயக்கம், காயல்பட்டினம் கடற்கரை பயன்பாட்டு கழகம் என்று பல தன்னார்வ தொண்டு நிறுவனங்கள் நமதூரில் இருக்கின்றன. இந்த்த இயக்கங்கள் வெறும் கடற்கரை அல்லது கடலில் கழிவு நீர் கலப்பது மட்டும் சுற்றுப்புற சூழலை மாசுபடுத்துகிறது என்று எண்ணாமல், படத்தில் காட்டியபடி குப்பைகள் இப்படி சேருவதையும் மக்கள் இந்த நிலைப்பாட்டிலிருந்து விடுபடாமல் இருப்பதையும் தட்டி கேட்க, விழிப்புணர்வு ஏற்படுத்த முயற்சிக்க வேண்டும். நகரமன்ற உறுப்பினர்கள் ஒவ்வொரு நாளும் அரை மணி நேரமாவது நகர் வலம் வந்து இதை கண்காணித்தால் மக்கள் அவர்களுக்கு பயந்து இந்த குப்பைகளை வீட்டிலேயே வைத்திருந்து குப்பை லாரி வரும்போது அதில் கொட்டுவார்கள்.

ஒரு ஆசிரியர். வளர்ந்த மாணவர்களிடம் சொன்னார், நீங்கள் உங்கள் கெட்ட பழக்கங்களை விட்டு விடவேண்டும். "வயதாக ஆக அவற்றை நாங்கள் விட்டு விடுவோம்" என்றார்கள். மாணவர்களை ஒரு தோட்டத்துக்கு அவர்களை அழைத்து சென்றார். அங்கிருக்கும் செடிகளை அகற்ற சொன்னார், உடனே மாணவர்கள் அகற்றினார்கள். களைகளை பிடுங்க சொன்னார், பிடுங்கினார்கள். இப்போது ஒரு மரத்தை காட்டி இதை அப்புறப்படுத்துங்கள் என்று சொன்னார்.மாணவர்கள் விழித்தார்கள். ஆசிரியர் அமைதியாக சொன்னார். இப்படித்தான் கெட்ட பழக்கங்களும். அதை முளையிலேயே கிள்ளி எறியவேண்டும். பெரிதாக போய்விட்டால் அதை அகற்றுவது கஷ்டமாகி விடும்.

பள்ளி பருவத்திலேயே இந்த சுற்றுப் புற சூழல் பற்றிய பயிற்சி ஒவ்வொரு வீடுகளிலும் பெற்றோர்கள் தங்கள் மக்களின் பிஞ்சு உள்ளங்களில் உட்புக செய்ய வேண்டும்.

திருடாதே பொய்சொல்லாதே குப்பை கூளத்தை வெளியே கொட்டாதே பொது இடங்களில் சிறுநீர் கழிக்காதே.

தொழுகை நோன்பு ஈமானில் ஒரு பகுதி என்று சொல்கிறோம்...சுத்தம் ஈமானில் பாதி என்று எப்போதாவது நம் பிள்ளைக்கு சொல்லி இருக்கிறோமா...

சுத்தம் சோறுபோடும் எச்சில் இரக்க வைக்கும்... நமது சந்ததிகளுக்கு நாம் வழி காட்டிகளாக இருப்போம்.