IP: 61.*.*.* India

ஸூஃபீ காக்கா அவர்களின் திடீர் வஃபாத் செய்தியறிந்து மிகவும் அதிர்ச்சியுற்றேன்.

அண்மையில் செய்துங்கநல்லூரில் நடைபெற்ற அரபிக்கல்லூரி பட்டமளிப்பு விழாவிற்கு ஒரே வாகனத்தில் அவருடன் நானும் சென்றேன். அப்போததான் எனக்கு அவருடன் நெருக்கமான தொடர்பு ஏற்பட்டது.

வாகனத்தில் சென்றுகொண்டிருக்கும்போது, பொதுவான அரட்டையில் நாங்கள் அனைவரும் இருக்கையில், அவரோ கையில் திருமறை குர்ஆனை வைத்துக்கொண்டு ஓதியவாறு அமைதியாகப் பயணித்தார். அவரது மார்க்கப் பற்றை அதில் அறிந்துகொண்டேன்.

வெள்ளந்தியான மனிதர். சில மாதங்களுக்கு முன்புதான் அதிர்ச்சிகரமான முறையில் அவர்களது மனைவி வஃபாத்தாகி இருக்கிறார்கள். தற்போது இவர்களும் வஃபாத்தாகிவிட்டார்கள். இன்னாலில்லாஹி வ இன்னா இலைஹி ராஜிஊன். அல்லாஹும்மஃக்ஃபிர் லஹூ வர்ஹம்ஹூ.

இவற்றைத் தாங்கும் பொறுமையை வல்ல அல்லாஹ் அவர்களது குடும்பத்தாருக்குத் தந்தருள்வானாக...

விபத்தில் காயமுற்றுள்ள அன்புத் தம்பி மவ்லவீ ஹாஃபிழ் உமர் ரிழ்வானுல்லாஹ் ஜமாலீ மற்றும் குடும்பத்தினருக்கு அல்லாஹ் வெகு விரைவில் பூரண உடல் நலனை வழங்கியருள்வானாக, ஆமீன்.

ஒரு சிறிய வேண்டுகோள்:

நடந்த நிகழ்வை விதியென்று எடுத்துக்கொண்டாலும், கூடுமான வரை சொந்த வாகனங்களில் நெடுந்தொலைவுக்கு பயணிப்பதைத் தவிர்த்துக்கொள்வோம். சொந்த வாகனத்தில் பயணிப்பது அனைவருக்கும் ஆசையான ஒன்றுதான். ஆனால்... (அல்லாஹ் காப்பாற்றட்டும்!) அதனால் ஏதேனும் தீய விளைவுகள் ஏற்பட்டால் அது மிக மிகக் கொடுமையானது.

இந்த விபத்தின்போது, தேவையான முதலுதவி உள்ளிட்ட ஏற்பாட்டுப் பணிகளை குறித்த நேரத்தில் சென்று செய்த இந்திய யூனியன் முஸ்லிம் லீக் எட்டையபுரம் கிளை அங்கத்தினர் மற்றும் இதர சகோதரர்களுக்கு எங்கள் நெஞ்சார்ந்த நன்றிகளை உரித்தாக்குகிறோம். ஜஸாக்குமுல்லாஹு கைரா...

துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் குடும்பத்தார்
கொச்சியார் தெரு, காயல்பட்டினம்.