IP: 176.*.*.* Qatar

கொஞ்ச நாட்களாகவே மனதில் ஒருவகையான நிம்மதியின்மை! தொடர்ந்து மரண செய்திகள் ! பிறந்த அனைவருக்கும் மரணம் என்பது உறுதி. ஆனால் , பாமர மனிதனின் இதயம் அந்த செய்திகளை தாங்கும் சக்தி பெறவில்லை போலும்.

மரணித்தவர் வயதில் பெரியவரோ அல்லது இளையவரோ, அது இல்லை இப்போ விவகாரம். நம்மவர் , நம் சமூகத்தில் உள்ளவர் , நமக்கு நன்கு பரீட்சமானவர் , நம்மோடு நெருங்கி பழகியவர் இப்படிஎல்லாம் என்னும் போது தான் , நம் இதயம் கனக்கிறது.

இறைவனின் நாட்டத்துக்கு அனைவரும் தலை சாய்த்து , ஏற்க கடமைப்பட்டுள்ளோம். மரணம் யாரையும் விட்டு வைக்காது. இந்த உலகமும் நமக்கு ஒரு நிரந்தர தங்கும் இடமும் கிடையாதுதான்.

இருந்தாலும் அருமை நண்பர் , ஷகீல் அவர்களின் திடீர் மரணம் நம்மை எல்லாம் அதிர்ச்சியில் ஆழ்த்தி உள்ளது. முகம் காணவில்லை... தொலைபேசியில் அடிக்கடி பேசும் வாய்ப்பை அருமை சகோதரர் அபுல்ஹசன் டாக்டர் அவர்களின் மகன் கலீல் மூலம் கிடைத்தது.

பழகுவதற்கு மிகவும் இனிமையானவர். பேசிக்கிட்டே இருக்கலாம் என்கிற அளவுக்கு பேச்சில் ஒரு வகையான உணர்வு இருக்கும் . குணத்தாலும் சிறந்தவர். நட்புக்கு ஒரு இலக்கணம் என்று கூட சொல்லலாம். பிறருக்கு உதவும் பண்பாளர்.

இந்த சிறிய வயதில் அவருடைய மரணத்தால் ஏற்பட்ட இழப்பு தான் நம்மால் தாங்கிக்கொள்ள முடிய வில்லை. அல்லாஹ்வின் கலா கதருக்கு அனைவரும் கட்டுப்பட கடமைப்பட்டுள்ளோம்.

மர்ஹூம் ஷகீல் அவர்களின் அறிந்தும் அறியாமலும் செய்துவிட்ட பாவப் பிழைகளை வல்ல ரஹ்மான் மிகவும் கருணையோடு மன்னித்து, கப்ரில் அல்லாஹ்வின் நூரைக்கொண்டும் பிரகாச மாக்கி , மறுமையில் மேலான சுவன பதி அடைய இருகரம் ஏந்தி து ஆ செய்கிறோம். ஆமீன்.

அன்னவரை பிரிந்து துயரத்தால் வாடும் அவரின் மனைவி , மகன் மற்றும் குடும்பத்தார்கள் , காயல் ஃ பஸ்ட் டிரஸ்ட் நிறுவனத்தார்கள் அனைவருக்கும் ,வல்ல ரஹ்மான் , இந்த துயரத்தை தாங்கும் அழகிய பொறுமையை கொடுத் தருள்வானாகவும்.ஆமீன்.

யா அல்லாஹ் , எங்கள் நகரில் வாழும் மக்களையும் , நாடு விட்டு நாடு சென்று வாழுகின்ற ஏனைய எங்கள் ஊர் மக்களையும் உன்னுடைய ரஹ்மத்தால் பாதுகாப்போடு , சரீர சுகத்தோடு , நீடித்த ஆயுளோடு , நிறைவான செல்வத்தோடு , நீ ( அல்லாஹ்), உன்னுடைய ரசூல் காட்டித்தந்த சீரிய மார்க்க்கத்தில் நெறி தவறாது வாழ துணை செய்வாயாக என்ற இந்த பிரார்த்தனையையும் எங்கள் ஊர் மக்கள் சார்பாக உன்னிடம் வேண்டுகிறோம். நீ மிகவும் கருணையோடு அருள் புரிவாய் யா அல்லாஹ்...ஆமீன்.

தாங்க முடியாத துயரத்துடன் ,
கே.வீ.ஏ. டி. கபீர்
கே .வீ.ஏ .டி. ஹபீப்
K.V.A.T. குடும்பத்தினர்.
குறுக்குத்தெரு
காயல்பட்டணம் மற்றும் கத்தார்.