IP: 180.*.*.* India

கணக்கிடுவதிலும் (ஹிஜ்ரி கமிட்டி) இரண்டு வழிமுறை (methodology) இருக்கிறதா? சந்தோசம். முதலில், இந்த இரு சாராரில், யார் கணிப்பது சரி என்று ஒரு முடிவுக்கு வரட்டும். விஞ்ஞான முறைப்படி கணிப்பதிலே இரு வேறு கருத்துக்கள் இருப்பது விந்தை.

"உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு" (C & P ) இந்தியாவில் குறிப்பாக நமதூரில் அப்படி ஒரு சாரார் இருக்கிறார்களா? இது ஒரு மாயை. உண்மையில் அவர்கள் சஊதியை மட்டுமே பின்பற்றுகின்றனர் என்பது, அவர்களுக்கும் தெரியும்.

ஆனால், இவர்கள் பின்பற்றும் சஊதி (பிறை விஷயத்தில்) மார்க்க அறிஞர்கள் (முப்தி), அந்தந்த பகுதியில் பிறை பார்த்து தான், நோன்பு (அரபா நோன்பு உட்பட) மற்றும் பெருநாள் அனுஷ்டிக்க வேண்டும் என்கின்றனர்.(தம்பி. சாளை ஜியாவுத்தீன், என்ன நான் சொல்வது சரிதானா?)

சகோதரர் கத்தீபு சொன்னது போல், மாதம் எப்போது துவங்குகிறது? என்று இந்த இணையத்தில் வரும் செய்திகள், ஒரு சடங்காகவே ஆகிவிட்டது. ஆனாலும் ஒரு விஞ்ஞான பூர்வமான தகவல் கிடைக்கிறது. அதாவது, நம் பகுதியில் பிறை தெரிய வாய்ப்பு உள்ளதா? என்று அறிந்து கொள்ளலாம்.

மொத்தத்தில், நமதூரில் மூன்று பெருநாட்கள் என்பது தவிர்க்க முடியாத ஒன்றாகிவிட்டது. சில குடும்பங்களில் சந்தோஷமாக கொண்டாட வேண்டிய பெருநாள் தினத்தில், (ஒரே வீட்டில்) பெற்றோர் நோன்பிருக்க பிள்ளைகள் (vice versa) பெருநாள் கொண்டாடி சந்தோஷத்தை தொலைக்கின்றனர். தம்பி சாளை ஜியாவுத்தீனின் "சந்தோஷமாக ஒரு வட்டலாப்பம், சவ்வரிசி திங்க முடியவில்லை" என்ற பழைய பதிவு நினைவுக்கு வருகிறது.

நமக்கு மத்தியில் ஒற்றுமையை ஏற்படுத்த வல்ல அல்லாஹ் ஒருவனே போதுமானவன்.

- சாளை அப்துல் ரஸ்ஸாக்.