|
ஷவ்வால் (1435) மாத அமாவாசை ஜூலை 26 சனிக்கிழமை அன்று - இங்கிலாந்து நேரப்படி இரவு 10:41 மணி அளவில் ஏற்படுகிறது. அப்போது
இந்திய நேரம் ஜூலை 27 ஞாயிற்றுக்கிழமை அதிகாலை 4:11.
ஜூலை 26 அன்று காயல்பட்டணத்தில் சூரியன் மாலை 6:40 மணிக்கு மறைகிறது. சந்திரன் மறையும் நேரம் 6:10. சூரியன் மறையும்போது
அமாவாசை நிகழ இன்னும் 10 மணி நேரம் இருக்கும். ஜூலை 26 அன்று உலகின் எந்த பகுதியிலும் பிறையை காண இயலாது.
ஜூலை 27 அன்று காயல்பட்டணத்தில் சூரியன் மாலை 6:40 மணிக்கு மறைகிறது. சந்திரன் மறையும் நேரம் 6:53. சூரியன் மறையும்போது
சந்திரனின் வயது 14.5 மணி நேரம். சூரியன் மறைந்து வானில் 13 நிமிடம் வரை பிறை இருக்கும். இருப்பினும் சூரியனுக்கு மிகவும் அருகாமையில்
இருக்கும் காரணத்தால் வெறுங்கண்கள் கொண்டு காயல்பட்டினத்தில் அன்று பிறையை காண இயலாது.
தென் பசிபிக் கடல் பகுதியில் எளிதாகவும், தென் அமெரிக்க கண்டத்தின் தென் மற்றும் மத்திய பகுதிகளில் வானிலை சூழல் தெளிவாக இருந்தாலும்
- ஜூலை 27 அன்று, வெறுங்கண்கள் கொண்டு, பிறையை காணலாம்.
மெக்சிகோ, மத்திய அமெரிக்க கண்டம், தென் அமெரிக்க கண்டத்தின் வட பகுதி, ஆப்ரிக்கா கண்டத்தின் மத்திய மற்றும் தென் பகுதிகள்
ஆகியவற்றில் தொலைநோக்கிகள் உதவிக்கொண்டும் பிறையை காணலாம்.
ஜூலை 28 அன்று காயல்பட்டணத்தில் சூரியன் மாலை 6:39 மணிக்கு மறைகிறது. சந்திரன் மறையும் நேரம் 7:35. சூரியன் மறையும்போது
சந்திரனின் வயது 38.5 மணி நேரம். காயல்பட்டினத்தில் எளிதாக வெறுங்கண்கள் கொண்டு, பிறையை காணலாம்.
ஜூலை 28 அன்று ஐரோப்பா, வட சீனா, ரஷ்யா, ஜப்பான் பகுதிகளில் தொலைநோக்கிகள் உதவிக்கொண்டும், உலகின் இதர பகுதிகளில் எளிதாக -
வெறுங்கண்கள் கொண்டு - பிறையை காணலாம்.
பிறையை கணக்கிட்டு அறியலாம் என்ற நிலையில் உள்ளவர்களில் - கேரளாவை தலைமையகமாக கொண்டு செயல்புரியும் ஹிஜ்ரி குழுவினை
பின்பற்றுவோருக்கு ஜூலை 27 நோன்பு பெருநாளாகும்.
மாதப்பிறப்பினை கணக்கிட வேறு வழி முறைகளை பயன்படுத்தும் Fiqh Council of North America/Islamic Society of North America,
Conseil Français du Culte Musulman or French Council of Muslims, European Council for Fatwa and Research, Turkey, Malaysia,
Egypt போன்ற அமைப்புகளுக்கும், நாடுகளுக்கும் ஜூலை 28 (ஷவ்வால் 1) நோன்பு பெருநாளாகும்.
உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு ஜூலை 26 (அமாவாசை) அன்று ரமழான் 28
பூர்த்தி ஆகிறது. ஜூலை 27 அன்று - தென் பசிபிக் கடல் பகுதியில் எளிதாகவும், தென் அமெரிக்க கண்டத்தின் தென் மற்றும் மத்திய பகுதிகளில்
வானிலை சூழல் தெளிவாக இருந்தாலும் வெறுங்கண்கள் கொண்டு, பிறையை காணலாம். மெக்சிகோ, மத்திய அமெரிக்க கண்டம், தென் அமெரிக்க
கண்டத்தின் வட பகுதி, ஆப்ரிக்கா கண்டத்தின் மத்திய மற்றும் தென் பகுதிகள் ஆகியவற்றில் தொலைநோக்கிகள் உதவிக்கொண்டும் பிறையை
காணலாம்.
அவ்வாறு பிறை காணப்பட்ட தகவல் வந்தால் ஜூலை 27 அன்று ரமழான் 29 பூர்த்தி செய்து, ஜூலை 28 (திங்கட்கிழமை) அன்று அவர்கள் ஷவ்வால் மாதம்
துவக்குவர். அவ்வாறு தகவல் கிடைக்கவில்லையெனில் - ஜூலை 28 அன்று ரமழான் 30 பூர்த்தி செய்து, ஜூலை 29 (செவ்வாய்க்கிழமை) அன்று
ஷவ்வால் மாதம் துவக்குவர்.
அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்களுக்கு ஜூலை 26 (அமாவாசை) அன்று ரமழான் 27 பூர்த்தி ஆகிறது.
எனவே அவர்கள் ஜூலை 28 அன்று ரமழான் 29 பூர்த்தி செய்வர். ஜூலை 28 அன்று காயல்பட்டினத்தில் பிறையை வெறுங்கண்ணால் காணலாம்.
அவ்வாறு கண்டால், அவர்கள் - ஜூலை 28 அன்று ரமழான் 29 பூர்த்தி செய்து, ஜூலை 29 (செவ்வாய்க்கிழமை) அன்று ஷவ்வால் மாதம்
துவக்குவர்.
ஜூலை 28 அன்று வானிலை சூழல் காரணமாக பிறை தென்படவில்லையென்றால், அவர்கள் ஜூலை 29 அன்று ரமழான் 30 பூர்த்தி செய்து, ஜூலை
30 (புதன்கிழமை) அன்று ஷவ்வால் மாதம் துவக்குவர். |
Saudi Arabia
India
Qatar
