{ முகநூல் கருத்துக்கள்}{ட்விட்டர் கருத்துக்கள்}

நடப்பு ரமழான் மாதத்தை முன்னிட்டு, இந்திய யூனியன் முஸ்லிம் லீக் காயல்பட்டினம் கிளை சார்பில், நகரிலுள்ள ஏழை-எளிய மக்களுக்கு அரிசி அன்பளிப்பு செய்யப்பட்டுள்ளது. விபரம் வருமாறு:-

இந்திய யூனியன் முஸ்லிம் லீக் காயல்பட்டினம் நகர கிளை சார்பில், ஆண்டுதோறும் புனித ரமழான் மாதத்தை முன்னிட்டு, நகரிலுள்ள ஏழை - எளிய பொதுமக்களுக்கு அரிசி அன்பளிப்பாக வழங்கப்பட்டு வருகிறது.

அந்த அடிப்படையில், நடப்பு ரமழான் மாதத்தை முன்னிட்டு, இம்மாதம் 24ஆம் நாள் வியாழக்கிழமை 17.00 மணியளவில், காயல்பட்டினம் சதுக்கைத் தெருவிலுள்ள - இந்திய யூனியன் முஸ்லிம் லீக் காயல்பட்டினம் நகர கிளை அலுவலக கட்டிடமான தியாகி பி.எச்.எம்.முஹம்மத் அப்துல் காதர் மன்ஸில் வளாகத்தில், ஏழை மக்களுக்கு அரிசி அன்பளிப்பு செய்யும் நிகழ்ச்சி, கட்சியின் நகர தலைவர் ஹாஜி வாவு கே.எஸ்.முஹம்மத் நாஸர் நிகழ்ச்சிக்குத் தலைமையில் நடைபெற்றது.

ஹாஃபிழ் கே.ஜெ.ஆர்.அப்துல் ஹக் ஃபைஸல் துஆ இறைஞ்சினார். மாநில பொதுச் செயலாளர் கே.ஏ.எம்.முஹம்மத் அபூபக்கர் அரிசி அன்பளிப்பைத் துவக்கி வைத்தார்.







அவரைத் தொடர்ந்து, கட்சியின் தூத்துக்குடி மாவட்ட செயலாளர் எஸ்.ஜெ.மஹ்மூதுல் ஹஸன், மாநில துணைச் செயலாளர் எஸ்.ஏ.இப்றாஹீம் மக்கீ, நகர செயலாளர் ஏ.எல்.எஸ்.அபூ ஸாலிஹ், பொருளாளர் ஹாஜி எம்.ஏ.முஹம்மத் ஹஸன், மாவட்ட துணைத்தலைவர் ஹாஜி மன்னர் பாதுல் அஸ்ஹப், சுதந்திர தொழிலாளர் யூனியன் மாவட்ட அமைப்பாளா ஹாஜி ஆர்.பி.ஷம்சுத்தீன், மஹ்ழரா அரபிக்கல்லூரி செயலாளர் எம்.ஏ.எஸ்.அபூதல்ஹா, எஸ்.எல்.ஷேக் அப்துல் காதிர் என்ற சின்ன லெப்பை உள்ளிட்டோர் ஏழைக் குடும்பத்தினருக்கு அரிசிப் பொதியை வழங்கினர்.



மாவட்ட செய்தி தொடர்பாளர் எஸ்.கே.ஸாலிஹ், இளைஞரணி நகர அமைப்பாளர் ஏ.ஆர்.ஷேக் முஹம்மத், நகர நிர்வாகிகளான பெத்தப்பா சுல்தான், இப்றாஹீம் இப்னு அத்ஹம், எம்.எச்.அப்துல் வாஹித், கே.வி.ஏ.டி.ஹபீப் முஹம்மத், எம்.இசட்.சித்தீக், என்.டி.அஹ்மத் ஸலாஹுத்தீன், எம்.ஏ.சி.சுஹைல் இப்றாஹீம் உள்ளிட்டோர் இதன்போது உடனிருந்தனர்.

இந்நிகழ்ச்சியின்போது, காயல்பட்டினத்தைச் சேர்ந்த 1500 ஏழை பொதுமக்களுக்கு தலா ஒன்றரை கிலோ அரிசி வழங்கப்பட்டுள்ளமை குறிப்பிடத்தக்கது. நிகழ்ச்சி ஏற்பாடுகளை, நகர நிர்வாகிகள் ஒருங்கிணைத்து செய்திருந்தனர்.

தகவல்:
எஸ்.கே.ஸாலிஹ்
தூத்துக்குடி மாவட்ட செய்தி தொடர்பாளர்
இந்திய யூனியன் முஸ்லிம் லீக்

இந்திய யூனியன் முஸ்லிம் லீக் காயல்பட்டினம் நகர கிளை சார்பில் கடந்தாண்டு (ஹிஜ்ரீ 1434) ரமழானை முன்னிட்டு அரிசி அன்பளிப்பு செய்யப்பட்ட தகவல்கள் அடங்கிய செய்தியைக் காண இங்கே சொடுக்குக!

இந்திய யூனியன் முஸ்லிம் லீக் தொடர்பான முந்தைய செய்தியைக் காண இங்கே சொடுக்குக!