IP: 176.*.*.* Qatar

எங்கள் தாயாரின் தாயார் (மர்ஹூமா ஹாஜர் முத்து கண்ணுமா) மூலம் எனக்கு கிடைத்த தாய்மார்கள் விரல் விட்டு என்னும் அளவு தான். அதில் ஓரோர் இடமும் ஒருசில வளர்ப்பு முறையில் என்னை என் சிறுவயது பிராயத்தில் என்னை செப்பணிட்டார்கள் என்றே சொல்லி ஆகணும். அந்த அளவுக்கு என்னை பெற்ற புள்ளையாகவே கருதி , செய்யது அஹமது கபீர் காக்கா (கானா அப்பா ) , தம்பி ஷுஐப் நூஹு ஆலிம் அவர்களோடு என்னையும் தன் புள்ளையாகவே கருதினார்கள்.

அந்த காலத்து அழகிய தரையோடு தரையாக இருக்கிற வண்ணம் புனைந்த ஜன்னல் வைத்த பழைய வீடு . நான் ஒடி ஆடி விளையாடிய அந்த அழகிய இரண்டு பெரிய வீட்டில் மர்ஹூம கதிஜா பெருமாவும் , முத்தாசிமா பெருமாவும் என்னை தனி கவனம் கொண்டு, சோறு வூட்டி விட்டு, வேலா வேலைக்கி மார்க்கம் சம்பந்தமான படிப்பினையை தந்து, சபையில் கூச்சம் இல்லாமல் ஓதுவதற்கும் பயிற்சி தந்து (வீட்டில் நடக்கும் பெண்கள் ஹல்க்காகளில் வைபவங்களில் சிறிய புள்ளையாகிய என்னையும் இருத்தி ஓத வைத்து) அழகு பார்த்தவர்கள்.

இதுவெல்லாம் அவர்களின் இயற்கையான குணத்தின் வெளிப்பாடு. இன்றைக்கு அல்லாஹ்வின் திருப்பொருத்தம் பெற நாம் செய்கின்ற நற்காரியங்களுக்கு அவர்களும் இட்ட உரம் தான் , இன்று நற்காரியங்களின் செயலாக உருவெடுத்து இருக்கிறது .அந்த பசுமையான நினைவுகள் என் மனதில் நிழலாக வந்து என்னை கண்களால் கசிய வைக்கிறது. ஊர் வந்தும் அவர்களை பார்க்காமல் வந்து விட்டேனே என்று என் மனது வருந்துகிறது.

யா அல்லாஹ்...மர்ஹூமா தாய் முத்தாசிமா அவர்களை உன் ரஹ்மாத்தால் பொருந்திக்கொள்! அவர்களின் மண்ணறையை விசாலமாக , குரானின் நூரைக்கொண்டும் பிரகாசமாக ஆக்கிக்கொடு ! அவர்களின் நல் அமல்களை மறுமையில் மீஜானில் அதிக பாரமாக ஆக்கி , அதன் பொருட்டால் பெருமானார் ஸல் லல்லாஹு அலைஹி வ ஸல்லம் அவர்கள் திருக்கரம் பற்றியவர்களாக , மேலான சுவனபதி அடையச் செய் ரஹ்மானே !

யா அல்லாஹ் ...அவர்களை பிரிந்து வாடும் அருமை காக்கா, தம்பி மற்றும் அன்பு குடும்பத்தினர் அனைவருக்கும் சப்ரன் ஜமீலா வெனும் அழகிய பொறுமையை வழங்குவாயாக ! அனைவரும் சப்ர் செய்யுமாறு அன்போடு வேண்டுவதோடு , எங்களின் அன்பான அஸ்ஸலாமு அலைக்கும் உங்கள் அனைவர்க்கும் உண்டாவதாக.