IP: 76.*.*.* United States

முதலில் காயல்பட்னம் டாட்காமில் வெளிவந்த 'சுனாமி குடியிருப்புகளும், தேர்தல் புறக்கணிப்பும்!' ஒரு தொடர் கட்டுரையே (Article)யன்றி அது ஒரு நியூஸ் ஆக எனக்கு தோணவில்லை. அது நியூஸ் செக்சனில் இடம்பெற்று இருந்தாலும் கூட.

நாம் எல்லாரும் அறிவோம்... இதே வெப்சைட்டில் சமீபத்தில் DCW பற்றி கூட ஒரு தொடர் கட்டுரை வெளிவந்தது. அதையும் கூட DCWவிடம் அனுமதி வாங்கித்தான் வெளியிடனும் என்று DCW சொன்னால் அதை ஏற்றுக்கொள்ள முடியுமா? அந்த கட்டுரை வந்திருக்காவிட்டால் நம்மில் நிறைய பேருக்கு DCWவில் என்ன நடக்கின்றது என்று தெரிந்து இருக்க வாய்ப்பு இருந்து இருக்காது.

அதற்காக நமது ஐக்கிய பேரவையும் DCWவும் ஒன்று என்று அர்த்தம் இல்லை. கட்டுரை என்று வரும் போது எல்லாம் ஒன்றுதான் ஊடகத்துறைக்கு என்பது நாம் அறிந்ததே. செய்திகளும் மற்றும் கட்டுரைகளுடன் கூடிய கேள்விகளும்தான் 'உள்ளே' என்ன நடக்கின்ற என்பதை வெளிகொனர்கின்றன என்பதில் நம்மில் யாவருக்கும் ஐயமில்லை

எத்தனையோ ஊடகங்கள் கட்டுரைகளை வெளியிடுகின்றன. அத்தனை ஊடகங்களும் சம்பந்தபட்டவர்களிடம் அனுமதி வாங்கித்தான் வெளியிடனும் என்று சொன்னால் அதை அவர்களால் வெளியிடவும் முடியாது மேலும் அது பத்திரிக்கை சுதந்திரத்தை தட்டி பறிப்பதட்க்கு சமமாகிவிடும் என்பதை நாம் அறிவோம்.

அதே நேரத்தில் அந்த கட்டுரையில் ஒரு வேளை தவறு இருந்தால் சுட்டி காட்டுகின்ற உரிமை நிச்சயம் நமக்கு இருக்கிறது மேலும் அதை அவர்கள் மக்களுக்கு தெரிவுபடுத்துகிற கடமையும் ஊடகங்களுக்கு உள்ளது. பத்திரிக்கை துறை என்பது மக்கள்/மன்றம் மறந்ததை ஞாகபகப்படுத்துவதும் மேலும் தேவைப்பட்டால் எந்த ஒரு தவறையும் சுட்டிகாட்டுவது அவர்கள் வழக்கத்தில் உள்ளது.

இந்த கட்டுரைக்காக கூட்டிய அவசரக்கூட்டத்தை, ஏற்கனவே அறிவித்தபடி ஐக்கிய பேரவையின் 'தேர்தல் புறக்கணிப்பு' முடிவு என்ன என்பதனை அறிவிப்பதற்காக கூட்டி இருந்தால் நன்றாக இருந்திருக்குமே. நமது ஐக்கிய பேரவையை நம்பி ஒரு நாள் வியாபாரத்தையும் (நஷ்டத்தையும்) பொருட்படுத்தாமால் ஒத்துழைப்பு நல்கிய நல்உள்ளங்களுக்கு பேரவையின் முடிவை (புறக்கணிப்பு தேவை அல்லது தேவையில்லை) அறிவிக்க வேண்டியது நமது கடமையல்லவா?

மேலும் இப்பொழுது அறிவித்துள்ள நமது பேரவையின் முடிவை (***நடைபெற இருக்கின்ற பொதுத்தேர்தலை யாரும் புறக்கணிக்க வேண்டிய எந்த அவசியமும் இல்லை.) என்பதை தகுந்த காரணங்களுடன் மக்களுக்கு முன்னரே தெளிவுபடுத்தியிருந்தால் இந்த தொடர் கட்டுரை வந்து இருக்காதோ?

நமது பேரவை "அரசு தனது போக்கினை மாற்றிக் கொள்ளவில்லை எனில் சட்டசபை தேர்தலினை காயல்பட்டின மக்கள் புறக்கணிக்க நேரிடும்" என்று அறிவிப்பதற்கு முன், நாம் இப்பொழுது சொல்லும் காரணத்தை "தேர்தலை புறக்கணிக்க வேண்டுமென்று மக்களை வற்புறுத்துவது சட்டப்படி குற்றமாகும்" முன்னேரே அறிந்து இருந்தால் ஒருவேளை இந்த விஷயம் இந்த அளவுக்கு சிக்கலாகி (complicated) ஆகி இருக்காதோ மேலும் 'தேர்தலை புறக்கணிக்க நேரிடும்' என்ற அஸ்திரத்தை தீர்மானமாக ஏற்ற வேண்டிய சூழ்நிலை வந்து இருக்காது.

இந்த கருத்துக்கள் எதையும்/எவரையும் நியாயப்படுதுவற்காகவோ அல்லது குறை கூறுவதற்காகவோ பதிய வில்லை. நடப்பது எதுவாக இருந்தாலும் அது நமது ஊர்க்கு நன்மையாகவே அமைய வேண்டும் மேலும் நாம் எல்லோரும் ஒற்றுமையாக நமது சுய/ மார்க்க கொள்கை வேறுபாடுகளை மறந்து நமதூர் நன்மைக்காக ஓரணியில் நிற்க வேண்டும் என்பதே எல்லோருடைய அவா!