IP: 180.*.*.* India

இன்னா லில்லாஹி வ இன்னா இலைஹி ராஜிவூன்.

அவர்கள் வீட்டின் பெயரோ தற்காலிக இல்லம். அவர் தங்குவதோ அல்லாஹ்வின் இல்லம்.

அவர்களுக்கும் எனக்கும் நெருங்கிய தொடர்புகள் உண்டு. ஆங்கில கடிதங்கள், அரசுக்கு கடிதங்கள் எழுதுவது என்றால் என்னிடம் ஓடி வந்து விடுவார்கள். எப்போதும் தொழுகை இபாதத், கண்ட நேரம் எல்லாம் ரசூலுல்லாஹ்வின் ஹதீத்கள் ஏதாவது சொல்லி நம் உள்ளத்தில் ஒரு தாக்கத்தை ஏற்படுத்தாமல் போக மாட்டார்கள்

எனக்கும் இப்படி ஒரு தற்காலிக வீடு, தொலைபேசி டிவி மார்பில் போட்ட வீடு வேண்டுமே என்று அவரிடம் தமாஷாக சொல்வேன். தற்காலிக வீட்டை விற்று விட்டேன். அந்த போர்டை உங்கள் வீட்டில் நீங்கள் போட தயாரா என்று கேட்பார்கள். எல்லோரும் வாயளவில் துன்யாவில் என்னத்தைக் கொண்டு போகப்போகிறோம் என்று பேசுவோம் யாருக்கு அந்த தைரியம் வரும்.

ஆனால் அவர் எல்லாவற்றையும் முன்னேற்பாடு செய்து வைத்து விட்டேன். மக்களுக்கு சேர வேண்டிய ஹக்குகள் எல்லாம் முறைப்படி செய்து விட்டேன். இனி மீதி நாட்களை அல்லாஹ்வின் பாதையில் செலவழிக்க புறப்பட்டு விட்டேன் என்று கூறி அதன் படியே தன் காலத்தை செலவழித்தவர்கள் அவர்களுடன் தப்லீக் ஜமாத்தில் போனால் நிறைய விஷயங்கள் கற்றுக்கொள்ளலாம். மார்க்க விஷயத்துடன் நகை சுவையாக பல விஷயங்கள் நிறையவே அவரிடம் மனம் விட்டுப் பேசலாம். கோவப்பட மாட்டார்கள். அல்லாஹு அக்பர்.

சிறப்பான வாழ்க்கை வாழ்ந்து முழுமையாக வாழ்ந்து அல்லாஹ்விடம் சேர்ந்திருக்கிறார்கள். எல்லாம் வல்ல அல்லாஹ் மர்ஹூம் அவர்களின் பாவங்களை மன்னித்து அவர்களின் நல் அமல்களை கபூல் செய்து அவர்களின் மண்ணறையை சுவன பூங்காவாக ஆக்கி வைப்பானாக . அவர்களுக்கு மேலான சுவர்க்க வாழ்வை கொடுத்தருள்வானாக. அவர்களை போல் மார்க்க விஷயங்களில் பேணுதலாக நடந்து நல் அமல்கள் செய்து நாமும் லா இலாஹ இல்லல்லாஹ் முஹம்மதுர் ரசூலுல்லாஹ் என்ற திரு கலிமாவை மொழிந்தவர்களாக மரணிக்க செய்வானாக.

அவர்களின் குடும்பத்தார்கள் சிறப்பான ஒரு குடும்பத்தலைவரை பெற்றதற்காக அல்லாஹ்வை சுக்ரு செய்யுங்கள். அவர்கள் போல் நல் அமல்கள் செய்து வாழ்வதற்கு முயற்சி செய்யுங்கள். அல்லாஹ் அருள் புரிவானாக. யாரையும் காயப்படுத்தாமல் யாருக்கும் ஒரு குறை வைக்காமல் யாருக்கும் சிரமமாக - பாரமாக இல்லாமல் சென்றவர்களுக்காக எல்லோரும் து ஆ செய்யுங்கள். உங்கள் எல்லோருக்கும் அல்லாஹ் நல்ல பொறுமையை தாருவானாக.

நேரில் சென்று அவர்கள் ஜனாஸாவில் கலந்து கொள்ள ஆசைதான். உடல் நிலையும் ஊர் தூரமும் அதற்கு இடம் தரவில்லை. மன்னித்துக் கொள்ளுங்கள். அவர்களுக்காக 30 ஜுசு ஓதி ஈஸால் தவாபு செய்கிறேன், இன்ஷா அல்லாஹ்.. அல்லாஹ் அதை ஏற்றுக் கொள்வானாக.ஆமீன். .