என் தாயார் அவர்களும் , மர்ஹூம் சாலிஹ் ஹாஜியார் அவர்களும் , சதுக்கைத் தெரு காதர் (சாமுனா லெப்பை )ஹாஜியார் அப்பா (நமதூருக்கு முதன்முதலில் சைக்கிள் ரிக்க்ஷா அறிமுகம் செய்தவர்கள் ) அவர்கள் மற்றும் குடும்பத்தாருடன் ஒரே குரூப்பில் 1972 இல் புனித ஹஜ்ஜுக்கடமை ஆற்றியவர்கள்.

என் தாயாரோடு தன் பெற்ற பிள்ளைக்கு காட்டும் அன்பையும் பாசத்தையும் காட்டியவர்கள். மிகவும் எளிமையான வாழ்வினை இந்த துனியாவில் வாழ்ந்து காட்டியவர்கள். சதாவும் அல்லாஹ்வின் சிந்தனையில் தன்னை முழுமையாக அற்பணித் தவர்கள் .

35 வருடங்கள் கழித்து அவர்களை நான் சந்தித்த போது , அப்பா அவர்களுக்கு என்னை அறிமுகம் செய்து வைத்து , அளவளாவியபோது , கொஞ்சமும் மறவாமல் , என் மகள் தன் தாயார் எப்படி இருக்கிறார்கள் என்று பாசம் பொங்க அவர்கள் என்னிடம் குசலம் விசாரித்ததை எண்ணி வியந்தேன்.

அந்த அளவுக்கு நல்ல நினைவாற்றலோடு , தாங்கள் ஹஜ்ஜின் போது நடந்த சில சம்பவங்களை கூறி , பெருமிதம் கொண்டார்கள் . அந்த அளவுக்கு , பாசம் மிகும் அப்பா சாலிஹ் ஹாஜியார் அவர்களின் வஃபாத்து செய்தி அறிந்து வருத்தம் அடைந்தேன். வல்ல ரஹ்மானின் திருப்பொருத்ததுக்காகவே வாழ்ந்து மறைந்த மாமனிதரைப்போன்று நாமும் வாழ கற்றுக்கொள்ள வேண்டும் .

அவர்களின் நற்பண்புகளை பின்பற்றி , இம்மை மற்றும் மறுமை வாழ்வை செப்பனிட வல்ல அல்லாஹ். நமக்கு தவ்ஃ பீக் செய்தருள் புரிவானாகவும். ஆமீன் . மர்ஹூம் சாலிஹ் ஹாஜியார் அப்பா அவர்களின் மண்ணறையை சுவனத்து பூங்காவாக ஆக்கி , மறுமையில் மேலான ஜன்னதுல் ஃ பிர்தவ்சில் அஃ லா வெனும் சுவன பதி அடையச் செய்வானாக ..ஆமீன்.

அன்னாரின் குடும்பத்தார் அனைவருக்கும் அல்லாஹ் , அழகிய பொறுமையை வழங்குவானாக , ஆமீன். அனைவர்க்கும் எங்களின் அன்பான அஸ்ஸலாமு அலைக்கும் .

மாறாத அன்புடன் ,
K.V. A.T. குடும்பத்தினர்
முத்து மஹால்
குறுக்குத்தெரு
காயல்பட்டணம்.