IP: 117.*.*.* India

மருமகள் அஹ்மத் ஃபாத்திமா உம்மு அய்மனுக்கு மருத்துவப் படிப்பில் இடம் கிடைத்ததறிந்து மட்டற்ற மகிழ்ச்சி.

மருத்துவம் படித்தோரெல்லாம் டாக்டராகி விடலாம். நல்ல மனமுள்ளவர் மட்டுமே நல்ல டாக்டர் எனும் பெயரைப் பெற இயலும்.

ஆங்கில மருத்துவமும், மருத்துவமனைகளும் முழுக்க முழுக்க வணிகமயமாகிவிட்ட இக்காலத்தில், புதிதாகப் படிக்கச் செல்லும் இளஞ்செல்வியே...

நீ கற்ற கல்வியைக் கொண்டுதான் பொருளீட்ட வேண்டும் என்ற நிலையில் அல்லாஹ் உன்னை வைக்கவில்லை. அதுபோல, பொதுநலம் சார்ந்த சிந்தனைகளை யாரும் சொல்லி தெரிய வேண்டிய நிலையிலும் நீயில்லை. உன் தாயாரும், தாயாரின் பெற்றோரும், தாய்மாமன்மாரும் உனக்களித்துள்ள பட்டறிவுப் பாடங்கள், அரிய பல அறிவுரைகள் போதும் உன் வாழ்வை ஒளிமயமாக்க!

நமதூரில் ஏழைகளுக்கும், இல்லாதோருக்கும் என ஒரு மருத்துவர் உருவாகிவிட்டார் என்ற செய்தி நீ படிப்பை முடித்து சேவையைத் துவங்கும்போது என் காது குளிரக் கேட்க வேண்டும். அந்நாளை ஆவலோடு எதிர்பார்த்துக் காத்திருக்கும்

உனதன்பு மாமா
எஸ்.கே.ஸாலிஹ்.