நல்ல ஜமாஅத்துகள் கூட அந்நியர்களின் ஊடுருவலால் தம்மையும் அறியாமல் தங்களது தனித்தன்மையை எவ்வாறு இழந்துவிடுகின்றன என்பதற்கு, கோமான் ஜமாஅத்தின் இந்த அறிக்கை மட்டுமல்ல! இதற்கு முன் வெளிவந்த முந்தைய அறிக்கைகளும் உதாரணங்களே!

/* இல்லையான்றால் KEPA ன் நம்பகத் தன்மையின் மீதே மக்களுக்கு சந்தேகம் ஏற்பட்டு விடலாம் */ CP

அரசியல் கட்சி சார்பின்மை, உள்ளூர் பூசல்களில் தலையிடாது தன் பணியை செவ்வனே செய்து வரும் KEPA மீது களங்கம் ஏற்படுத்த மேற்கொள்ளப்படும் தீவிர முயற்சியின் வெளிப்பாடே இந்த அறிக்கையின் வாசகம்.

தேர்தலில் வெற்றி பெற கண்ணியத்திற்குரிய தங்கள் ஜமாஅத்தின் பெயரில் வெளியிடப்பட்டு வரும் இந்த தொடர் அறிக்கைகள் - ஜமாஅத்துக்கான கண்ணியத்துடன் இல்லை.

தேர்தலில் தோற்று விடுவோமோ என்ற அச்சத்தில், யாரின் பெயரில் வாசகங்களை எழுதுகிறோம் என்பதைக் கூட மறந்து எழுதும் ஒரு சில அந்நியர்களின் கை வண்ணங்களே அவை என்பதை - சிறு அறிவு உள்ளவர் கூட உணர முடியும்.

தேர்தல் முடிந்த பிறகாவது, இந்த அந்நியர்களுக்கு இடமளித்ததால் நடந்தவற்றை மீளாய்வு செய்ய கண்ணியத்திற்குரிய கோமான் ஜமாஅத் கடமைப்பட்டுள்ளது.

/*இவர் DCW ஆலையின் தீவிர ஆதரவாளர் என்பதற்கு ஏராளமான சான்றுகள் உள்ளன.*/ CP

இப்படி மொட்டையாக வாசகம் கொடுத்திருப்பதைத் தவிர்த்து, தங்கள் கடிதத்தின் இடது கீழ்ப்பகுதியில், “இணைப்பு” என்று எழுதி - ஆதாரம் 1, ஆதாரம் 2, ஆதாரம் 3 என தாங்கள் இணைத்திருந்தால் தங்கள் கூற்றின் உண்மைத் தன்மையை நம்பலாம்.

தேர்தல் முடியட்டும்! நீங்கள் மறந்தாலும், KEPA இந்த கடிதத்தை மறக்க கூடாது!! இக்கடிதத்தை வழங்கியவர்களை அழைத்து ஆதாரங்களை சமர்ப்பிக்கக் கூறவேண்டும். அப்போது, இல்லாத ஒன்றை பெரிதாக்கினார்களா - இல்லையா என்ற உண்மை வெளிவரும். யாரின் நம்பகத்தன்மை கேள்விக்குறியாகும் என்பதை அன்று காணலாம்.

மொத்தத்தில், “ஜமாஅத் கட்டமைப்பு” தொடர்பாக நான் எதை அச்சப்பட்டு என் முந்தைய கருத்தில் பதிவு செய்திருந்தேனோ அது நடந்துகொண்டிருக்கிறது.

குறுகிய நோக்கம் கொண்டவர்களுக்கு, தாம் நினைத்தது நடக்க வேண்டும் என்ற ஒன்றுதான் குறியாக இருக்கும். அதற்காக எதையும் பலி கொடுப்பார்கள். பலி கொடுக்கப்படுவது ஜமாஅத்தாகக் கூட இருக்கும் என்பதற்கு இந்த அறிக்கை சான்று.

என்னைப் பொருத்த வரை, “ஜமாஅத் ஒற்றுமை” எனும் பெயரில் நடைபெறும் போலியான - திரைமறைவு தகிடுதத்தங்கள் ஒழிக்கப்பட்டு, ஒரு ஜமாஅத்தின் உண்மையான கட்டுக்கோப்பும், கண்ணியமும் காக்கப்பட வேண்டும் என்பதே - இதுவரை நிறைவேறாத எனது ஆசை!