IP: 119.*.*.* Singapore

1-வது வார்டுக்கான தேர்தலில் மக்களின் தீர்ப்பு வரவேற்கத்தக்கது! அரசியல் பலம், ஆளுங்கட்சி அதிகாரம் அனைத்தையும் புறந்தள்ளிவிட்டு தங்கள் ஜமாஅத் யாரைச் சுட்டிக்காட்டுகிறதோ அவருக்கே எங்கள் வாக்கு என கோமான் ஜமாஅத்தினர் முழுமையாக ஒத்துழைத்து இந்த வெற்றிக்கனியை சகோதரர் அஷ்ரஃபிற்கு பரிசாக அளித்துள்ளனர். அருணாச்சலபுரத்தின் அமோக ஆதரவும் இதில் அடங்கும்.

இதிலிருந்து நமக்கு கிடைத்த பாடம் என்னவெனில் ஒன்றுபட்டால் எதையும் சாதிக்க இயலும் என்பதுவே! அரசியலுக்கு முக்கியத்தும் அளிக்காமல் ஆளுங்கட்சி என்றுகூட பாராமல் சுயேட்சைக்கு வாக்களித்து தமது கட்டுக்கோப்பினை வெளிப்படுத்திக் காட்டியுள்ளனர்.

உள்ளூர் அமைப்புகளும், பேரவையும், தாய்ச்சபையும், ஆதரவு தருவதாக களத்தில் இறங்கினாலும் வெற்றி தோல்வி என்பதை அந்த வார்டு மக்களே நிர்ணயிப்பார்கள்.

மக்களின் தீர்ப்பு மகத்தான தீர்ப்பு! இனி வருங்காலங்களில் ஒவ்வொரு ஜமாஅத்திலும் ஒரு வேட்பாளரை தேர்வு செய்து போட்டியின்றி மற்றவர்கள் வழிவிட்டு வெற்றி பெறச் செய்ய முன் வர வேண்டும்.

மக்கள் தந்த இந்த மகத்தான வெற்றியை மக்கள் பணிக்கே அர்ப்பணித்து வார்டு நன்மைக்காக பாடுபட வேண்டும். எடுப்பார் கைப்பிள்ளையாக இல்லாமல், தன்னை வெற்றி பெறச் செய்த மக்களின் மனநிலை அறிந்து சூழ்ச்சி, கவிழ்ப்பு சதி, லஞ்ச லாவண்யங்களுக்கு விலை போகாமல் நீதிக்கு கட்டுப்பட்டு நியாயமாக நடக்க வேண்டும்.

தலைவி தனது கட்சிக்காக ஆதரவு திரட்டியதில் தவறில்லை. அப்படி பார்த்தால் எந்த அரசியல் அமைப்பும் யாருக்கும் ஆதரவு தர இயலாது. நமக்கு எதிரணியில் வாக்கு சேகரித்தவர்தானே என எண்ணாமல் மன்றத்தின் தலைவர் என்கிற முறையில் அவருடன் நல்லிணக்கத்தை வளர்த்து கன்னியம் பேண வேண்டும்.

அஷ்ரஃப் அவர்களே! மக்கள் பணியின் முதல் படி இதுவே! அந்த பொறுப்பை வழங்கிய மக்களுக்கு உண்மையாக உழைக்க தயாராகிக்கொள்ளுங்கள். வாழ்த்துக்கள்…!
-ஹிஜாஸ் மைந்தன்.