IP: 180.*.*.* India

தமிழ் நாடு முஸ்லிம் முன்னேற்றக் கழக சகோதரகளுக்கு அல்லாஹ் ரஹ்மத் செய்வானாக.

முர்ஷித் முஹ்சின் அவர்கள் இந்த மாதிரி நல்ல விஷயங்களில் எப்போதுமே முன்னணியில் நிற்பவர்கள். எங்கள் பாசத்துக்குரிய புகாரி மச்சான் அவர்கள் வெளிநாடு செல்லும் ஒரு நண்பரை பயணம் அனுப்ப சென்ற வழியில் வெளியூர் பேருந்து நிலையத்தில் வபாத் ஆகிவிட்டார்கள். அப்போதும் இவர்கள் முன்னுக்கு நின்று வேறு யாரும் நெருங்கி விடாமல் ஜனாஸாவை பாதுகாத்து மின்னல் வேகத்தில் ஊருக்கு கொண்டு வந்து உற்றாரிடம் ஒப்படைத்தார்கள். அல்லாஹ் அவர்களுக்கு அப்படி ஒரு நற்குணத்தை கொடுத்திருக்கிறான்.

இப்போதும் இந்த அநாதை தாயை நமதூருக்கு கொண்டு வந்து நல்லடக்கம் செய்ய ஏற்பாடு செய்திருக்கிறார்கள். அதற்காக அவர்கள் பொருள் செலவுகள் செய்திருப்பார்கள். அவர்கள் வெளியில் சொல்ல மாட்டார்கள். உங்கள் பெருந்தன்மைக்கு அல்லாஹ் நற் கூலியை தருவானாக. ஹாபில் அமீர் அப்பா பள்ளி ஜமாத்தார்கள் பெருந்தன்மையுடன் ஜனாஸாவை அவர்கள் முஹல்லாஹ் மையவாடியில் நல்லடக்கம் செய்ய இசைந்துள்ளார்கள். அவர்களுக்கும் அல்லாஹ் நற்கூலி கொடுப்பானாக.

மர்ஹூமா அவர்களுக்கு மக்கள் இருக்கிறார்களா, இருந்திருந்தால் இப்படி இவர்களை அனாதையாக திரிய விட்ட குற்றத்துக்கு இந்த அரசும் தண்டிக்கும். அல்லாஹ்வும் தண்டிப்பான். அல்லாஹ் அவர்கள் பாவங்களை மன்னித்து மேலான சுவர்க்க பதியை கொடுத்தருள்வானாக.

இது ஒரு படிப்பினை. வயது முதிர்ந்தவர்களை வெளியில் தனியாக செல்ல பிள்ளைகள் அனுமதிக்க கூடாது. பெரியவர்களும் தங்கள் முதுமையை கருத்தில் கொண்டு மக்களுடன் ஒத்துழைத்து செல்ல வேண்டும். இந்த நிலை யாருக்கும் வராமல் அல்லாஹ் பாது காப்பானாக.ஆமீன்.