IP: 176.*.*.* Saudi Arabia

SDPI அமைப்பானது இந்திய அளவிலானதொரு பெரிய அமைப்பு.அதன் நல்லபணிகள் பாராட்டுதலைப்பெற்றுதோடு பயனடைந்தோர்களின் எண்ணிக்கையும் எல்லா இடங்களிலும் பறந்து விரிவடைந்திருப்பதை அறிந்து வியப்புடன் மகிழ்வுற்றிருக்கிறேன்!

அதன் புண்ணிய பணிகளின் தொடர்ச்சியாக இந்த DCW.நச்சி ஆலையின் அபரிமிதமான ஆபத்தை அறியும் முகமாக அதன் எல்லா நடவடிக்கைகள் குறித்தும் நமதூரின் எல்லா ஜமாத்தார்களையும் சந்தித்து கேட்டறியும் செயல் அறிந்து சந்தோஷமடைந்தேன்!

இத் தருணத்தில் இந்த எளியோனின் ஒரு தாழ்மையான யோசனையை எழுச்சியுடன் செயலாற்றும் SDPI இயக்கத்தார்களுக்கு தெரிவிப்பது,

நமதூரைப் பொறுத்தவரை இந்த DCW ஆலையின் ஆதிமுதல் அந்தம் வரையுள்ள அனைத்து விபரங்களையும் அடங்கப் பெற்ற ஒரு அமைப்பு "KEPA". ஆகவே தங்கள் அமைப்பு அவர்கள் மூலமாக அனைத்து விபரங்களைப் பெற்றுக்கொள்ளுங்கள்! அந்த"KEPA " விலுள்ளவர்கள் தங்கள் உடல் பொருள் ஆவி என்கின்ற அனைத்து விதமான தியாகங்களையும் இன்றுவரை செய்து கொண்டு எப்படியும் ஒரு நாளில் நம்முடைய முயற்சியும் ,இலட்சியமும் வென்று நமதூர் மக்களுக்கு முற்றிலும் நலம்பெறும் சுகாதாரத்தென்றல் வீசிவிடும் என்ற முழு நம்பிக்கையில் செயல்படுகிறார்கள்! அவர்களுக்கு நமதூரின் அனைத்து ஜமாத்தார்களும்,அரசியல் கட்சிகளும்,பொது நல அமைப்புகளும் ஒருங்கிணைந்து ஒத்துழைப்பு கொடுத்து வருகிறார்கள்!

அந்த அடிப்படையில் மிகப்பெரும் பலம் பொருந்திய அமைப்பாகிய தங்கள் SDPI அமைப்பும் அவர்களுக்கு முதன்மையாகவும்,முதுகெலும்பாகவும் முன்னின்று அவர்களுடன் செயல்பட்டு எல்லோரும் ஒரே குடையின் கீழ் ஒத்த கருத்தோடு ஒற்றுமையாய் ஓரணியில் நின்று அந்த உயிர்கொல்லி அரக்கணை எதிர்கொள்வோமேயானால் எப்படிப்பட்ட இமயமலை அளவு இரும்பு கோட்டைக்கு நிகரான எதிரியாக இருந்தாலும்,இலவம் பஞ்சாய் ஊதி ஒழித்து விடலாம்.இது நம்முடைய இறுக்கமான இமியளவு பிரிவினையற்ற ஒற்றுமை ஒன்றால் மட்டுமே முடியும்! ஒன்றுபட்டு போராடுவோம் உன்னத வெற்றியை ஈட்டுவோம். .அல்லாஹ் அனைத்தும் அறிந்தவன்!.

அன்புடன்,
முஹம்மது ஆதம் சுல்தான்!