IP: 176.*.*.* Saudi Arabia

திடீரென்று ஒரு அதிர்ச்சி சம்பவம் தன் கட்சி தலைவருக்கு ஏற்படும்பொழுது அதை உடனே தாங்கிக்கொள்ள அக்கட்சிக்காரர்களுக்கு கஷ்ட்டமாகத்தான் இருக்கும் அதன் முழுவிபரத்தையும் அறியாத மக்களுக்கும் சிறிதான அனுதாபம் எண்ணம்கூட இழையோடும் இது எதார்த்தமே!

நாட்கள் ஆக ஆக அந்த எதிர்ப்பு வேகம் குறைந்து உன்மை செய்திகள் ஒவ்வொன்றாக வெளி வந்தபிறகுதான் உண்மையிலேயே ஒரு சில நடுநிலை விரும்பிகளாக இருக்க நினைத்தவர்கள் வருத்தப்படுவார்கள் . அவசரப்பட்டுவிட்டோமே பல "G"க்கள் பலிகடாக்களாக பவனிவர இருக்கிறார்கள் என்றும், பூசணிக்காய் சுமந்து பின் வருகிறான் என்றும், கயவன் என்றும்,கள்ளன் என்றும் கண்ணா பின்னா வென்றும் வரிந்து தள்ளிவிட்டோமே என்று கைசேதப்படுபவர்கள் கண்கெட்டபிறகு காட்சிக்காக துடிக்கும் கானல்நீர் கதாநாயகர்கள் ஆவார்கள்.

தவறு யார் செய்தாலும் தட்டிக்கேட்பதில் ஏன் தயக்கம்,எதற்கு பாகுபாடு பார்க்கிறீர்கள்,உங்கள் பெரிய விசாலஉள்ளத்தில் இன்னொரு திருடன் வரப்போகிறான் என்றால் அவன் வந்த பிறகு அவனையும் விளாசித் தள்ளுங்களேன்.யார் வேண்டாம் என்பது, தவறு செய்பவனை தட்டிக்கேட்பதில் உங்களோடு ஒன்று சேர்வதில் இந்த ஆதம் சுல்தானோடு ஆயிரம் பேர்கள் காத்திருக்கிறார்கள் . .

ஆனால் கையும் களவுமாக பிடிபட்டவனைப்பற்றிப்பேசாமல் இனிபிடிபடபோகலாம் என்று சந்தேகிப்பவனை பற்றி பொரிந்து தள்ளுகிறீர்களே எங்கே உங்கள் உண்மையான உணர்வு ?எங்கே உங்கள் ஒருதலைபட்சமற்ற வாழ்க்கை முறை? உள்ளத்தூய்மையுடன் ஒப்பிட்டுப் பாருங்கள் உண்மைகுற்றவாளியை காப்பாற்ற காரணத்தை தேடியலையாதீர்கள்!

பிணியுடன் பிறந்த குழைந்தையை காப்பாற்ற பெரிய வைத்தியரிடம் கொண்டு செல்லுங்கள்,அதை விட்டுவிட்டு எதிரிப்பெண்ணின் பிரசவம் குறையான கோரமான பிள்ளையாக பிறக்கவேண்டுமென்று பிரார்த்திக்காதீர்கள் உங்கள் பெருந்தன்மையின் பிரார்த்தனையானது புல்லரிக்க வைக்கிறது. காயல்பட்டண கடைகோடி கடைசி குடிமகனும் கண்ணியத்துடன் தான் வாழ்கிறான் என்ற என் உயரிய எண்ணத்தில் கிஞ்சித்தும் களங்கத்தை கலந்துவிடாதீர்கள்! அல்லாஹ் அனைத்தும் அறிந்தவன்! .

அன்புடன்,
முஹம்மது ஆதம் சுல்தான்!