IP: 180.*.*.* India

சிறை சென்று சிறை வாசம் அனுபவித்தவர்களுக்குத் தான் ஜாமீன் அருமை தெரியும். அது ஒரு குற்றமும் செய்யாமல் வீண் பழி சுமத்தி சிறையில் அடைக்கப் பட்டாலும், உள்ளபடியே தவறு செய்து சிறையில் அடைக்கப் பட்டாலும் சரியே.

ஜாமீன் கிடைத்தது என்ற தகவல் தேனாக இனிக்கும் சிறை வாசிகளுக்கு. அது முன்னாள் முதல்வராக இருக்கட்டும் சேரியில் வாழும் சாமான்ய மனிதனாக இருக்கட்டும். இருவருக்கும் கிடைக்கும் மன சந்தோஷம் - அவர்கள் குடும்பத்தினருக்கு - அவர்கள் ஆதரவாளர்களுக்கு கிடைக்கும் ஆத்ம திருப்தி சொல்லில் அடங்காது எழுத்தில் எழுதி முடியாது.

1993இல் நமதூரில் நடந்த மீன்கடை கலவரங்களில் சிறை வாசம் அனுபவித்த என் போன்றவார்களுக்கு அந்த அனுபவம் புதுமை என்றும் மறக்க முடியாதது. 15 நாட்கள் உள்ளே இருந்தபோது, எங்களை பார்க்க வந்தவர்கள் தரும் பரிசு பொருட்கள் வாழைப் பழம், பிரித்தானியா பிஸ்கட் மிக சுவையாக தெரியும். எங்களை தினசரி மருத்துவர்கள் பரிசோதனை செய்து எங்கள் வியாதிக்கு மருந்து தருவார்கள் (ஜெயிலுக்கு போகிறவர்களுக்கு உடனே நோய் வந்து விடும்). வேளை தவறாமல் சாப்பாடு, உறக்கம், காற்றோட்டமான திறந்த வெளியில் உலா வருதல், நண்பர்களுடன் அரட்டை, 5 வேளை தொழுகை எல்லாம் இருக்கும். மாலை 6 மணியானால் எல்லாம் அடங்கி விடும். தேசிய கொடி இறக்கப்படும் எங்களை உள்ளே அடைக்கப்படும்.

ஆயிரம் வசதிகள் இருந்தும் NO PEACE OF MIND! இப்படி அநியாயமாக வந்து மாட்டிக் கொண்டோமே என்ற கவலை மட்டும் இரவு பகலாக எங்கள் உள்ளத்தை வாட்டி வதைக்கும்.

திடீரென ஒரு செய்தி வந்தது, நாளைக்கு ஜாமீனில் உங்களுக்கு விடுதலை. அப்போது ஏற்பட்ட சந்தோஷத்துக்கு ஈடாக எந்த சந்தோசமும் இதுவரை வாழ்க்கையில் ஏற்பட்டதில்லை. புயலுக்கு பின்னே அமைதி - துயருக்குபின் வரும் சுகம் ஒரு பாதி. இருளுக்கு பின் வரும் ஜோதி. இதுதான் இயற்கை நியதி.

முன்னாள் முதல்வர் அவர்களுக்கு நிபந்தனை ஜாமீன் வழங்கப் பட்டுள்ளது போல் எங்களுக்கும் ஒரு நிபந்தனை - தூத்துக்குடி மாவட்டத்துக்குள் இன்னும் 15 நாளைக்கு நுழையக் கூடாது. எந்த நிபந்தனையையும் ஏற்க தயார், ஜாமீன் மட்டும் தாருங்கள் என்ற கோரிக்கை மூத்த வழக்கறிஞர் நரிமன் மட்டும் சொல்வதல்ல, எல்லா வக்கீலும் அதை சொல்லித்தான் ஜாமீன் பெற வேண்டும். அரசு வக்கீலும் அமைதியாக இருக்க வேண்டும்.பவானி சிங் மாதிரி முன்னுக்குப் பின் முரணாக பேசக் கூடாது. ஜாமீன் கிடைத்த மகிழ்ச்சியில் துள்ளிக் குதிக்க கூடாது. நாம் செய்த பாவங்களை எண்ணி வருந்த வேண்டும் இனிமேல் இப்படி பாவங்கள் செய்ய மாட்டேன் என்று இறைவனிடம் சொல்லி மன்றாட வேண்டும்.இது ஜாமீனில் வெளிவந்துள்ள எல்லோருக்கும் பொது நியதி.

நிலையில் திரியாது அடங்கியான் தோற்றம்
மலையினும் மாண பெரிது
என்று வள்ளுவம் கூறுகிறது.

நினைத்துப் பார்க்கிறேன். திரும்பிப் பார்க்கிறேன். எவ்வளவு உண்மையான செய்தி.

அண்ணா நாமம் வாழ்க புரட்சி தலைவர் நாமம் வாழ்க.