IP: 117.*.*.* India

அஸ்ஸலாமு அலைக்கும் (வரஹ்).

தேர்தல் ஆணையம் போடக்கூடிய உத்தரவு ஆறுமுகநேரி துணை மின் நிலையத்தை கட்டுப்படுத்தாது என்று நினைக்கிறோம். ஏனென்றால் (அவர்களே போடக்கூடிய ) அட்டவணைப்படி அவர்கள் பெரும்பாலும் நடப்பதில்லை. இதிலே தேர்தல் ஆணையத்தின் உத்தரவுபடி நடப்பதற்கு அவர்கள் என்ன அடிமைகளா?.

சென்ற மாதம் " மாதாந்திர பராமரிப்பிற்காக மின் விநியோகம் நிறுத்தப்படும் நாள் " என்று 3 முறை ( 22 ; 24 மற்றும் 26 ) தேதிகளை மாற்றி விநியோகத்தை நிறுத்தாமல் கடைசியாக மார்ச் 31 அன்று மின் விநியோகம் நிறுத்தப்பட்டது.

ஏன் அட்டவணைப்படி மின் விநியோகம் நிறுத்தப்படவில்லை ? என்று கேட்டால் அதற்கு தகுந்த காரணம் இருக்காது.

ஆனால் அதற்கு மக்கள் சொல்லும் காரணம் கிரிக்கெட் விளையாட்டு நடைபெறுவதால் நிறுத்தவில்லை என்று. அது உண்மையாக இருக்கும் என்றால் நிச்சயமாக அதற்கு பொறுப்பானவர்கள் தண்டிக்கப்படக்கூடியவர்களே.

பள்ளிக்கூடங்களிலே தேர்வுகள் நடைபெற்றுக்கொண்டிருக்கிறது , மாணவர்களுடைய தேர்வுக்கு மதிப்பு இல்லை. ஆனால் விளையாட்டு முக்கியமாகிவிட்டது.

----------------------------------------------------------

மேலும் பகல் நேரத்தில் 2 மணி நேரங்கள்தான் மின் விநியோகம் நிறுத்த வேண்டும் என்று மின்வாரிய அதிகாரிகளே உத்தரவு பிரப்பித்திருக்கும்போது நமது ஊரிலே பெரும்பாலும் 3 மணி நேரங்கள் மின் விநியோகம் நிறுத்தப்படுகிறது.

இன்று சனிக்கிழமை காலையில்கூட 3 மணி நேரங்கள் ( 6 - 9 ) மின் விநியோகம் நிறுத்தப்பட்டது.

அதுமட்டுமில்லாமல் இந்த ஏப்ரல் மாதம் தொடங்கி 9 நாட்களே ஆகின்றன இதுவரை குறைந்தது 20 முறை மின் தடை ஏற்பட்டிருக்கிறது. குறிப்பாக சொன்னால் ஏப்ரல் 1 ஆம் தேதி 4 முறையும்; 5 ஆம் தேதி 5 முறையும்; 6 ஆம் தேதி மற்றும் 8 ஆம் தேதி தலா 3 முறைகளும் மின் தடை ஏற்பட்டிருக்கிறது.

---------------------------------------------------------

இதற்கெல்லாம் காரணம் தகுதியற்றவர்கள் பதவியில் இருப்பதுதான். எங்கு தகுதி உள்ளவர்கள் பணியாற்றுகிறார்களோ அங்கு குறை காணமுடியாது. குறை காண்பின் அதற்கு தகுந்த காரணம் இருக்கும்.

தகுதி உள்ளவர்கள் பணியாற்றி மக்கள் நலமாக வாழ இறைவன் அருள்வானாக ஆமீன்.

வஸ்ஸலாம்.