IP: 117.*.*.* India

அஸ்ஸலாமு அலைக்கும் (வரஹ்).

ஓரிரு வாரமாக மவுனமாக இருந்த நமது காயல்பட்டணம்.காம் " கருத்து " பதிவாளர்களை 'அடிபைப்' ஒலி மூலம் உசுப்பிவிட்டு உற்சாகப்படுத்திய சகோதரர் ஸாலிஹ் அவர்களுக்கு பாராட்டுக்கள்.

ஒரு காலத்தில் எல்லா வீட்டு குழாய்களிலும் தண்ணீர் தானாகவே வரும், எவரும் அடிபைப் வைத்து அடிக்க வேண்டிய அவசியமில்லை. வீடுகளுக்கு இணைப்புகள் அதிகரித்தபோது தெருக்களில் உள்ள பொதுக் குழாய்களில் தண்ணீர் வருவது குறைந்ததால், தெரு குழாய்க்கு அடிபைப் வைத்து தண்ணீர் பிடிக்க வேண்டிய நிர்பந்தம் ஏற்பட்டது. அதுவும் அது பொது மக்களின் உபயோகத்துக்கு என்பதால்.

அந்த நேரம் நம் ஊரில் ஒரே ஒரு மேல்நிலை தொட்டிதான் இருந்தது. அளவுக்கு அதிகமான இணைப்புகள் கொடுக்கப்பட்டதால் தண்ணீர் தட்டுப்பாடு அதிகமாகி வீடுகளிலும் அடிபைப் வைக்க வேண்டிய நிர்பந்தமாகிவிட்டது. மிகுதமான வீடுகளில் அடிபைப் வைத்தார்கள். நாங்களும் அடிபைப் வைத்தே ஆக வேண்டிய சூழ்நிலையில் மன வெறுப்புடனே அடிபைப் வைத்து தண்ணீர் பிடித்தோம்.

சகோதரர் ஸாலிஹ் அவர்கள் சொல்படி இன்று மோட்டார் போல் அன்று - அடிபைப், அடுத்த வீட்டுக்கு போகிற தண்ணீரை நம்ம வீட்டுக்கு வரவழைக்கிற வேலையை செய்தது.
----------------------------------------
அல்லாஹ்! கிருபையால் தீவுத் தெருவில் மேல்நிலை தொட்டிக் கட்டியதால் எங்கள் பகுதியில் தண்ணீர் தாராளமாக வந்தது அதனால் நாங்கள் வெறுப்புடனே உபயோகித்த அடிபைப்பை துண்டிக்க வேண்டிய சந்தோசமான நிலை ஏற்பட்டது.

இன்று ஊரில் பல பகுதிகளிலும் மேல்நிலைத் தொட்டிகள் இருந்தாலும், தண்ணீர் தேவையான அளவுக்கு கிடைக்கவில்லை என்பதால் மூன்று, நான்கு நாட்களுக்கு ஒரு முறை தண்ணீர் விநியோகம் செய்யப்படுவது மட்டுமல்லாமல் குறைந்த வேகத்தில் வருவதால் அடிபைப் வைத்து எடுக்க வேண்டிய கட்டாயமே பெரும்பாலோருக்கு ஏற்படுகிறது.

இன்று வரை அல்லாஹ் உதவியால் எங்களுக்கு அடிபைப் வைக்காமலே தண்ணீர் கிடைக்கிறது மிக குறைந்த வேகத்தில் - வேகம் குறைந்தாலும் மனம் நிறைவடைகிறது அடுத்தவர்களுக்கு தொல்லை கொடுக்கவில்லையே என்று.

இந்த மாதம் வேகமாக வந்ததால் அதிக நேரம் குனிந்து தொட்டியின் உள்ளே உள்ள பைப்பிலிருந்து தண்ணீர் எடுக்க வேண்டிய சிரமம் ஏற்படவில்லை, வெளியே மேலே உள்ள பைப்பிலிருந்தே தண்ணீர் எடுக்கிறோம், அதனால் முதுகு வலி இல்லை. எல்லாப் புகழும் அல்லாஹுவுக்கே!
-----------------------------------------
மோட்டார் வைத்து தண்ணீரை ஏற்றியவர்களுக்கு இந்த மாதம் 'சிரமம்' என்றாலும் அவர்கள் சந்தோசப்படனும் ஏனென்றால் இந்த ஒரு மாதமாவது பாவச்செயலை செய்யாமல் தடுக்கப்பட்டிருக்கிறோமே என்று.

பெரும்பாலான வீடுகளில் மோட்டார் வைத்து தண்ணீர் எடுப்பதால்தான் இந்த சிரமம். மோட்டார் வைத்து யாருமே தண்ணீர் எடுக்கவில்லை என்றால் தாராளமாக தண்ணீர் வரத்தான் செய்யும். சில இடங்களில் வேகம் குறைவாக இருக்கும், மற்றபடி தண்ணீரே வராமல் இருக்காது.

மோட்டார் வைத்து தண்ணீர் எடுப்பதால் அடுத்தவர்களுக்கு கிடைக்கக்கூடிய தண்ணீர் தடுக்கப்படுகிறது என்றால், அந்த தண்ணீர் ஹலாலா ? இல்லை ஹராமா ??. சிந்தியுங்கள்! சீர் பெறுங்கள் மக்களே அல்லாஹ்'வுக்கு பயப்படுங்கள்.
---------------------------------------
மக்களே!

என்னதான் அறியுரையை சொன்னாலும் கேட்கக்கூடிய மக்கள்தான் கேட்பார்கள்.

அடிபைப் , மோட்டார் இல்லாமல் தாராளமாக அதுவும் தினமும் தண்ணீர் நமக்கு கிடைக்க வேண்டும் என்றால் தயவு செய்து இனி வரக்கூடிய நகரசபைத் தேர்தலில் கறைபடாத கையுடைய, இறைவனுக்கு பயந்த, நல்ல சுறுசுறுப்புள்ள திறமையான வார்டு உறுப்பினர்களை நகரசபைக்கு தேர்ந்தெடுத்து அனுப்புங்கள்.

அல்லாஹ்! நகரசபையை நல் மக்கள் உள்ள சபையாக செயல்படுத்திட செய்வானாக ஆமீன். வஸ்ஸலாம்.