IP: 37.*.*.* Saudi Arabia

இன்னா லில்லாஹி வ இன்னா இலைஹி ராஜிஊன்.

இமயம் சரிந்தது என்று சொல்லுவார்களே, அது உண்மை ஆகும் என்று உணர முடிகின்றது.

இவர்களை யார் என்று கூறுவது..? கல்வியாளரா...? பெரும் தொழில் அதிபரா..? பெரும் கொடை வள்ளலா..?, பல ஆயிரம் குடும்பங்களின் நெஞ்சில் பாசத்தை வளர்த்து, துஆக்களை பெற்றுக்கொண்டு இருக்கும் நல்லவரா, ஊஹூம். அனைத்தையும் ஒன்றாக கலந்த கலவை இவர்கள்.

வலை தளங்களிலும், சமூக ஊடகங்களிலும் இவர்களைப் பற்றி மக்கள் கூறும் கருத்துக்களை படித்ததும் நபிகள் நாயகத்தின் ஹதீஷும், இந்த குறளும் தான் நினைவுக்கு வருகின்றது..

“ தோன்றின் புகழோடு தோன்றுக; அஃதிலார்
தோன்றலின் தோன்றாமை நன்று”.

ஸஹீஹ் புகாரி 1367. அனஸ்(ரலி) அறிவித்தார்கள் .

ஒரு முறை, மக்கள் ஒரு ஜனாஸாவைக் கடந்து சென்றபோது, இறந்தவரின் நற்பண்புகளைப் பற்றிப் புகழ்ந்து பேசினார்கள். அப்போது நபி(ஸல்) அவர்கள், 'உறுதியாகிவிட்டது" என்றார்கள். மற்றொரு முறை வேறொரு (ஜனாஸாவைக்) கடந்து சென்றபோது மக்கள் அதன் தீய பண்புகளைப் பற்றி இகழ்ந்து பேசலாயினர். அப்போதும் நபி(ஸல்) அவர்கள், 'உறுதியாகிவிட்டது?' எனக் கூறினார்கள்.

உமர்(ரலி) 'எது உறுதியாகிவிட்டது?' எனக் கேட்டதும் நபி(ஸல்) அவர்கள், 'இவர் விஷயத்தில் நல்லதைக் கூறிப் புகழ்ந்தீர்கள்; எனவே அவருக்கு சொர்க்கம் உறுதியாகிவிட்டது. இவர் விஷயத்தில் தீயதைக் கூறினீர்கள். எனவே இவருக்கு நரகம் உறுதியாகிவிட்டது. ஆக நீங்களே பூமியில் அல்லாஹ்வின் சாட்சிகளாகவீர்கள்" எனக் கூறினார்கள்

சகோதரர் எம். எஸ். ஷாஜஹான் அவர்களுக்கு நடந்த சம்பவம் போல எனக்கும் நடந்தது.

திருச்சி ஜமால் முஹம்மது கல்லூரி மாணவனாக இருந்த சமயம், அங்கு United Economic Form மீட்டிங் நடைபெற்றது. அப்போது நமது மறைந்த பாதுல் அஷ்ஹாப் ஹாஜியார் அவர்கள் என்னை அழைத்து, அருகில் இருந்த பி.எஸ்.அப்துர்ரஹ்மான் ஹாஜியாரிடம், என்னுடைய சொந்தக்கார பையன்தான், என் பேத்தியை தான் மணமுடிக்க போகிறார் என்று அறிமுகப்படுத்தியதும்,…,

அவர்கள்.. நான் வந்ததில் இருந்தே இந்த பையனை கவனித்து வருகின்றேன், அங்கும் இங்கும் ஆடி ஓடி எல்லோரையும் கவனிக்கும்போதே, தம்பி நம்ம கீழக்கரை அல்லது காயல்பட்டினமாகத்தான் இருக்கும் என்று நினைத்தேன் என்று விசாரித்து, வாப்பாவின் பெயரை கேட்டார்கள்..

பெயரை சொன்னதும்... அடடே சென்னை, தேனாம்பேட்டை எங்க பெட்ரோல் பாங்க்கில் மேனேஜர் ஆக இருந்த ஐதுரூஸ் மகனா என்று அனைத்துக் கொண்டார்கள். அவர்களின் மனம் இன்னும் என் சுவாசத்தில் நிற்கின்றது.

எந்த உதவி வேண்டுமானாலும் என்னை வந்து பாரு, படிப்பு முடிந்ததும் என்னை சந்தி என்றார்கள். அந்த சந்தர்ப்பம் கிட்டவை இல்லை.

கிருபையுள்ள வல்ல அல்லாஹ் இவர்கள் அறிந்தோ அறியாமலோ செய்த பாவங்களை மன்னித்து, அவர்களின் கபுரில் சுவன தென்றலை வீசச்செய்து, மறுமையில் ஜன்னதுல் பிர்தௌஸ் என்ற உயர்ந்த சுவனத்தை அளிப்பானாக.

சாளை S.I.ஜியாவுத்தீன், அல்கோபார்