IP: 180.*.*.* India

இஸ்லாமிய சரித்திரத்தில் "செத்தும் கொடுத்த சீதக் காதி" வள்ளலை படிக்கிறோம். தமிழ் சரித்திரத்தில் "முல்லைக்கு தேர்" கொடுத்த பாரி வள்ளலை படிக்கிறோம். இதிகாசங்களில் "என்ன கொடுப்பான் எது கொடுப்பான் என்று நினைக்கும் முன்னே அள்ளிக் கொடுப்பான் போதாது போதாது என்றால் இன்னும் கொடுப்பான்" என்று அள்ளிக் கொடுத்த கர்ணன் என்ற வள்ளலை படிக்கிறோம்.

இன்றைய அறிவியல் முன்னேற்றத்தில் இதை எல்லாம் அசை போடுகிறவர்கள் இவை நடைமுறை சாத்தியமா என்று ஒரு கணம் சிந்திப்பதுண்டு - விவாதிப்பதுண்டு.

ஆனால் நாம் வாழும் காலத்தில் அப்படி ஒரு வள்ளல் வாழ்ந்தார்கள் என்ற உண்மையை B .S அப்துர் ரஹ்மான் அவர்கள் நிறுவியுள்ள கல்வி நிறுவனங்கள், தொழில் நிறுவனங்கள், மக்களுக்கு வாரி வழங்கிய வள்ளல் தன்மைகள் எல்லாம் நிதர்சனமாக நம் கண்களில் தெரிந்து கொண்டிருக்கின்றன. அவர்கள் மறைந்து விட்டாலும் இந்த நிறுவனங்களை பார்க்கும் போது அவர்களால் உருவாக்கப்பட்ட கலைஞர்கள், பொறி இயல் வல்லுனர்கள், மருத்துவ வல்லுனர்கள், தொழில் ஜாம்பவான்கள், அவர்களிடம் உதவி பெற்று தங்கள் வாழ்வாதரங்களை உயர்த்திக் கொண்டு வாழும் எல்லோர் உள்ளங்களிலும் இல்லங்களிலும் அவர்கள் வாழ்ந்து கொண்டிருப்பது தெரிகிறது..

அள்ளிக் கொடுத்து வாழ்பவன் நெஞ்சம் ஆனந்த பூங்காற்று -
வாழ்வில் நல்லவர் என்றும் கெடுவதில்லை இது நான்கு மறை தீர்ப்பு
இருந்தாலும் மறைந்தாலும் பேர் சொல்ல வேண்டும்
இவர்போல் யார் என்று ஊர் சொல்ல வேண்டும்

என்ற கவிதை வரிகளுக்கு உயிர் ஓட்டமாய் விளங்குகின்ற பீ.எஸ்.அப்துர் ரஹ்மான் வள்ளல் அவர்களுக்கு இந்த அரசு ஒரு பத்ம ஸ்ரீ விருதை அளித்து கௌரவித்து இருந்தால் அவர்களால் அந்த விருது புகழ் பெற்றிருக்கும்.

நாட்டுக்கும், மொழிக்கும் சமுதாயத்துக்கும் அளப்பரிய சேவை ஆற்றி மறைந்திருக்கும் சேவை செம்மல் அவர்களின் எல்லா நல்ல பணிகளையும் அல்லாஹ் பொருந்திக் கொள்வானாக. அவர்கள் பிழைகளை மன்னித்து அருள்வானாக. அவர்கள் மண்ணறையை சொர்க்க பூஞ்சோலையாக ஆக்கி வைப்பானாக. மறுமையில் அவர்களுக்கு மேலான ஜன்னதுல் பிர்தௌஸ் எனும் சொர்க்க வாழ்வை நசீபாக்கி வைப்பானாக. அவர்கள் அடிச் சுவட்டை பின் பற்றி அவர்கள் சந்ததிகள் அவர்கள் விட்டுச் சென்ற பணிகளை முன்னெடுத்து செல்ல எல்லாம் வல்ல அல்லாஹ் அவர்களுக்கு தவ்பீக் செய்வானாக.

அவர்கள் குடும்பத்தினருக்கு- எங்கள் நெஞ்சமெல்லாம் நிறைந்து வாழும் எங்கள் அன்பு தந்தை - மறைந்த வள்ளலின் நட்பு வட்டத்தில் வாழ்ந்த- காயல்பட்டினம் அல்ஹாஜ் முஹம்மது மக்கி ஆலிம் அவர்கள் மக்களாகிய நாங்கள் எங்களின்அனுதாபங்களையும் து ஆக்களையும் தெரிவித்துக் கொள்கிறோம்.

மக்கி நூஹுத்தம்பி
மக்கி ஆலிம் இல்லம்
51 புதுக் கடை தெரு காயல்பட்டினம்