IP: 163.*.*.* Japan

செல்வச் செழிப்பில் வாழ்ந்தாலும், சேவையே குறிக்கோளாய்க் கொண்டு வாழ்ந்த நம் சமகால மனிதப் புனிதர்.

அளவிலா நிலையான நன்மைகளுக்கு (ஸதக்கத்துன் ஜாரியாவுக்கு) சொந்தக்காரர்.

இந்தியாவில் - குறிப்பாக தமிழகத்தில் அவர் மூலம் நேரடியாகவோ அல்லது மறைமுகமாகவோ பயன்பெறாதோரை விரல் விட்டு எண்ணிவிடலாம். அத்தனை பேரின் அளவிடவியலா துஆக்கள் மட்டுமே போதும் அவர்களின் மறுமை மோட்சத்திற்கு!

ஆனாலும், அதையெல்லாம் தாண்டி, தன் சுய வாழ்வில் ஓழுக்கம் பேணியவர்... வணக்க வழிபாடுகளை எந்நாளும் மறவாதவர்... தான் இறைவனின் மகத்தான அதிகாரத்திற்குக் கட்டுப்பட்டவன் என்பதை தனது ஒவ்வொரு நடவடிக்கையிலும் வெளிப்படுத்தியவர்.

நம் வாழ்நாளில் சந்தித்த வெகுசில நல்லவர்களுள் முதன்மைப் பட்டியலில் உள்ள ஒரு பெருந்தகையை இழந்துவிட்டோம்...

கருணையுள்ள அல்லாஹ், மர்ஹூம் பி.எஸ்.அப்துர்ரஹ்மான் ஹாஜியார் அவர்கள் தம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை நற்கூலியாக வழங்கியருள்வானாக...

அன்னாரின் பிரிவால் துயருற்றிருக்கும் - அவர்களது குடும்பத்தார் அனைவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையையும், மர்ஹூம் அவர்கள் விட்டுச் சென்றுள்ள மகத்தான நற்பணிகளைத் தொடர்ந்து உற்சாகத்துடன் செய்யும் பாக்கியத்தையும் வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் குடும்பத்தார்
கொச்சியார் தெரு, காயல்பட்டினம்.