IP: 220.*.*.* Singapore

அல்ஹம்துலில்லாஹ்.! அருமையான செய்தி! தேவையான செய்தி! பவர்கட்டில் நமக்கு உடன்பாடு இல்லாவிட்டாலும் நகரில் நீர் விநியோகம் எப்போதெல்லாம் இருக்குமோ, அப்போதெல்லாம் இந்த "பவர்கட்டை" ஒரு தர்ம சங்கடத்துடன் ஏற்றுத்தான் ஆக வேண்டும்.காரணம் பிறருக்குரிய தண்ணீரை அனைத்தையுமே(மோட்டர் மூலம் ) நானே உறிஞ்சி எடுப்பேன் என நினைப்பவர்களுக்கு இந்நடைமுறை ஒரு சரியான பாடமாகும்.

இந்நேரத்தில் நமது நகரமன்ற முன்னாள் தலைவர் மர்ஹூம் V.M.S.லெப்பை மாமா (அலாஹ் அன்னாரின் கப்ரை சுவன சோலையாக ஆக்குவானாக!) தண்ணீர் மோட்டார் மூலம் நீரை உறிஞ்சி எடுக்கும் நபர்களை அடையாளம் கண்டு ,நீர் இணைப்பை துண்டித்து ,மோட்டாரையும் பறிமுதல் செய்யும் நடவடிக்கையை எடுத்தார்கள்.அது கைமேல் பலனையும் தந்தது.ஆகவே ! தற்போதுள்ள நகர்மன்றம் இந்நிலையை தொடரவேண்டும்.இதில் ஏழை,பணக்காரன்,வேண்டியவன்,வேண்டாதவன்,தெரிந்தவன்,தெரியாதவன்,விவரமானவன்,விபரமற்றவன்,உசாரானவன்,வாய் செத்தவன் என்பனபோன்ற எவ்வித பாகுபாடும் பார்க்காமல் அல்லாஹ்,ரசூலை பயந்து நியாயமாக,நீதியாக குறிப்பாக நகர்மன்றமும்,பொதுவாக நகரமக்களும் செயல் படவேண்டும்.

(அநியாயங்கள் நாளை மறுமையில் இருளாக வரும்) நபிமொழி. இந்த நாயகவாக்கு எல்லோருக்கும் பொதுவானதாகும். உலகில் அநீதம் இழைக்கப்பட்டவன் மறுமையில் அல்லாஹ்வின் முன்னிலையில் வழக்காடுவான்.என்பதும் நபிமொழி.ஆகவே! இவ்வுலகில் அடுத்தவர்களின் தண்ணீரை அநியாயமாக உறிஞ்சுபவர்கள் அல்லாஹ்விடம் பதில் சொல்லியே ஆக வேண்டும்.அநியாயமாக அடுத்தவரின் குடிநீரை உறிஞ்சுபவர்கள் எதார்த்தத்தில் அவர்களின் இரத்தத்தையே உறிஞ்சுபவர்கள்.ஆகவே! அனைவரும் அடுத்தவர்களின் ஹக்கில் அல்லாஹ்வை அஞ்சிக்கொள்வோம்.அல்லாஹ் அதற்கு அருள் புரிவானாக!ஆமீன்.!வஸ்ஸலாம்!

(அன்புடன் mskaja mahlari)