சுத்தமாக இருக்க வேண்டும் என்று எல்லோரும் எண்ணும் அளவுக்கு விழிப்புணர்ச்சி ஊட்ட வேண்டிய தேவை முஸ்லிம்களுக்கு அதுவும் உலக நாடுகளில் கால் படாத இடம் இல்லை என்று உலா வரும் காயல்பட்டினத்து மக்களுக்கு இப்படி ஒரு "தூய்மை காயல்" என்ற கோஷத்துடன் அதற்கு உதவிகள் வழங்க துபாய் காயல் நல மன்றம் முடிவு எடுத்திருப்பது பாராட்ட தக்கது. நகர் மன்றம் செய்ய வேண்டிய வேலையை காயல் நல மன்றம் செய்ய முன் வந்துள்ளது. அல்ஹம்து லில்லாஹ்.

இந்த சிறியவனின் ஒரு ஆலோசனை.

கடற்கரை பகுதியில் அமைந்துள்ள - நான் முதலாவது செயலாளராக பொறுப்பேற்று ஆரம்பித்த இளைஞர் ஐக்கிய முன்னணி - ஊரின் முன்னணி செயல் திறம் படைத்த பொது வாழ்வில் மிக ஆர்வம் கொண்டுள்ள ஒரு சங்கம். இந்த முன்னணியின் செயலாளர், தலைவர் அவர்களிடம் இது பற்றி ஆலோசனை கேட்டு கடற்கரை துப்பரவு பணிக்கு ஒரு குழுவை அமைத்து அவர்கள் பொறுப்பில் விட்டால், அதற்கான செலவுகளுக்கான நிதி உதவியையும் அவர்களிடமே ஒப்படைத்தால், மிக பொறுப்புடன் அதை கண்காணித்து செயல்படுத்துவார்கள். முயற்சித்து பாருங்கள்.

கடலோரம் வாங்கிய காற்று
இதமாக இருந்தது நேற்று
என்ற பாடலும்

நான் காற்று வாங்கபோனேன்
ஒரு கவிதை வாங்கி வந்தேன்
என்ற பாடலும்

காயல்பட்டினம் கடற்கரைக்கு மிக பொருத்தமாக அமைந்துள்ளது. எங்கள் இளமை காலங்களில் பல கவிதைகளை நாங்கள் பாடி மகிழ்ந்து உலா வந்ததும் இந்த கடற்கரைதான்.

கால சுழற்சியில் அந்த இன்பங்கள் காணாமல் போய்விட்டன.