IP: 117.*.*.* India

காயல்பட்டினத்தில் சிறப்பு குழந்தைகளுக்காக துளிர் பள்ளி செயல்பட்டு வருகிறது.மாற்றுதிறன் குழந்தைகளுக்கான சிறிய அளவில் துவங்கிய இந்த பள்ளி தமிழகத்தில் தலைசிறந்த பள்ளியாக செயல்பட்டு வருகிறது.

இந்த பள்ளியில் அவ்வப்போது இலக்கிய மற்றும் விழிப்புணர்வு கருத்தரங்கம் துளிர் நிறுவனர் வக்கீல் அஹ்மது அவர்களால் நடத்தபடுகிறது.

அதனைபோன்று 18.01.2015 அன்று ஞாயிறு காலை துளிர் வளாகத்தில் ‘இயற்கை சூழலியல் கருத்தரங்கம் நடைபெற்றது.இந்த கூட்டத்தில் ஒவ்வொரு நிமிடமும் பயனுள்ளதாக அமைந்தது.

இதுவரை எத்தனையோ தலைப்புகளில் கருத்துகள் கேட்டு இருந்தாலும் இந்த தலைப்பு நமக்கு மிக அவசியமானதும்,புதியதாக அமைந்தது.அந்த எதிர்பார்ப்பையும் மிஞ்சும் அளவிற்கு சிறப்பு பேச்சாளர் முனைவர் அப்துல் சமது அவர்களின் உரை அனைவரையும் கட்டிபோட்டது. இஸ்லாத்திற்கும் இயற்கைக்கும் உள்ள உறவை புட்டு புட்டு வைத்தார்கள்.

இயற்கை உணவு வியாபாரம் செய்யும் மஹ்மூது அவர்களுக்கும், செம்பருத்தி விவசாயம் செய்யும் இபுராஹிம் அவர்களையும் பாராட்டி கேடயம் வழங்கப்பட்டது.

காலில் சதைபிடிப்பு ஏற்பட்டு வலி இருந்தாலும் கருத்தரங்கத்தின் இந்த தலைப்பின் பிடிப்பில் இங்கு வந்தேன் என்ற அமானுல்லா காக்காவின் பேச்சு அனைவரையும் அசத்தியது.

இப்படி இந்த கருத்தரங்கம் அனைவரின் இதயத்தையும் தொட்டது எனலாம்.இறுதியில் அனைவருக்கும் மரம்கன்று வழங்கப்பட்டது.

துளிர் மென்மேலும் வெற்றிநடை போட என் இதயமார்ந்த வாழ்த்துக் களை தெர்வித்து கொள்கிறேன்.

முழுக்க தனவந்தர்களின்,கொடைவள்ளல்களின் கருணை மூலம் இந்த துளிர் பள்ளி நகர்ந்து வருகிறது.

எனவே இந்த சிறப்பு குழந்தைபள்ளிக்கு நம் இதயத்தில் இடம் கொடுத்து நம்மால் இயன்ற கருணை காட்டவேண்டும் என்று உலகில் பரவி இருக்கும் அணைத்து சகோதரர்களுக்கும் வேண்டுதல் செய்தவனாக முற்றுபுள்ளி வைக்கிறேன்.