உருவு கண்டு எள்ளாமை வேண்டும் உருள் பெருந்தேர்க்கு அச்சாணி அன்னார் உடைத்து என்று வள்ளுவம் சொல்கிறது.

என்னால் தான் எல்லாம் நடக்கிறது. நான்தான் எல்லாம்.நான் இல்லாமல் எதுவுமே இயங்காது என்ற கர்வம் மமதை திமிர் எல்லாம் மக்கள் சக்திக்கு முன் காணாமல் போய் விடும் என்பதை இந்த அரசியல் மாற்றங்கள் நமக்கு உணர்த்துகின்றன.

எல்லாவற்றுக்கும் மேலாக திருமறையில் அல்லாஹ் சொல்வதுபோல் அவன் நாடியவர்களுக்கு ஆட்சி அதிகாரங்களை கொடுப்பான் அவன் நாடியவர்களிடமிருந்து அதை பிடுங்கி கொள்வான் அவன் நாடியவர்களை கண்ணியப் படுத்துவான் அவன் நாடியவர்களை கேவலப்படுதுவான் என்ற உண்மையை நாம் நிதர்சனமாக காண்கிறோம்.

காயல்பட்டினத்தில் நடந்த நகராட்சி தேர்தல் முதல் தமிழக சட்டமன்ற தேர்தல், நாடாளுமன்ற தேர்தல் இலங்கையில் நடை பெற்ற ஜனாதிபதி தேர்தல் டில்லி சட்டமன்ற தேர்தல் எல்லாமே ஒரு அதிரடி மாற்றத்தை ஏற்படுத்தி SHOCK TREATMENT கொடுத்துள்ளது.

எல்லா ஜமாத்களும் அணி திரண்டு ஒருவரை ஆதரிக்க சாதாரண ஒரு பெண்மணி காயல்பட்டினம் நகரமன்ற தலைவியாக ஆனார்.

60 ஆண்டு காலங்கள் இந்திய திருநாட்டை ஆண்ட காங்கிரஸ் கட்சி - வெறும் 44 இடங்களுடன் எதிர்க் கட்சி அந்தஸ்தையும் இழந்து ஆட்சியை பறி கொடுத்தது. 37 இடங்களை கைப் பற்றி தனிப் பெரும் தலைவியாக உருவெடுத்த தமிழக முதல்வர் ஆட்சி பொறுப்பிலிருந்து அப்புறப்படுத்தப் பட்டு சட்டமன்ற உறுப்பினர் பதிவியையும் இழந்தார்.

ஆளும் கட்சியாக இருந்து, நடை பெற்ற சட்டமன்ற தேர்தலில் எதிர்க் கட்சியாக கூட இருக்க தகுதியில்லாமல் ஆகி விட்ட முன்னாள் முதல்வர் - இலங்கையில் இன்னும் 6 ஆண்டுகள் மூன்றாவது முறையாக ஆட்சியில் இருந்து தனது சர்வாதிகாரத்தை நிலை நிறுத்த நினைத்தவர் திடீரென்று ஆட்சி இழந்து பதவி இழந்து இன்று மக்கள் மன்றத்தில் குற்றவாளியாக கை கட்டி தலை குனிந்து நிற்கும் அவல நிலை - அமித்ஷா என்ற king maker மோடியின் வலது கரம், துடைப்பத்தை ஏந்தி நிற்கும் maflar man இடம் மண்ணைக் கவ்வியது - ஒவ்வொன்றாக நினைத்துப் பார்க்கிறேன். அல்லாஹ்வை புகழ்கிறேன்.

அவன் ஒரு விஷயத்தை செய்ய நாடினால் அவன் சொல்வதெல்லாம், "ஆகி விடு" என்பது தான். அது உடனே ஆகி விடும். கேள்வி கணக்கு நாள் நட்சத்திரம் எதுவும் அவனுக்கு குறுக்கே நிற்காது. எல்லோரும் இதை உணர்ந்து பணிவோடு நடப்போம்.

கெஜ்ரிவாலுக்கும் இது பொருந்தும். வாழ்த்துக்கள். ஜெய் ஹிந்த்.