IP: 180.*.*.* India

இவரைத் துவக்கமாகப் பார்க்கும் யாருக்கும் இவர் வாய் பேச இயலாதவர் என்பதை உணரவே இயலாது. அந்தளவுக்கு, தன் மலர்ந்த முகத்தால் அனைவரையும் கவர்ந்தவர்.

அவ்வளவு பரபரப்பாக கடையில் வணிகம் நடைபெற்றுக்கொண்டிருந்தாலும், ஒரு சப்தமும் இருக்காது. அதற்குத் தேவையும் இருக்காது.

முஸ்லிம்கள், இந்துக்கள் என அன்றாடம் எண்ணிலடங்காதோர் வந்து செல்லும் நிலையிலுள்ள அவரது டீக்கடையில், நான் பார்த்தறிந்த வரை, இன்றளவும் சிறிதளவு கூட சர்ச்சையோ, விவகாரமோ ஏற்பட்டதில்லை. (பொதுவான டீக்கடைகளைப் போல!)

தன் கண்ணியத்திற்கு சிறிதளவும் பங்கம் ஏற்படாத வகையில் குடும்பத்தை வழிநடத்தி, தன் மக்களையும் நன்னிலைக்குக் கொண்டு வந்துகொண்டிருந்தார். அதன் பலனை அனுபவிக்க வேண்டிய தருணத்தில் பிரிந்துவிட்டார். அல்லாஹ் அதை விட சிறப்பாதனை விரைவாகவே கொடுக்க நாடிவிட்டான்.

யூஸுஃப் பாய் அவர்கள், தம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை நற்கூலியாக வழங்கியருள்வானாக...

அன்னாரின் பிரிவால் துயருற்றிருக்கும் - அவரது மனைவி, மக்கள் உள்ளிட்ட குடும்பத்தார் அனைவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

துஆக்களுடன்,
எஸ்.கே.ஸாலிஹ்