IP: 220.*.*.* Singapore

அஸ்ஸலாமு அலைக்கும் .

அருமை அல்ஹாஜ் நூஹிய்யா முஹம்மத் இஸ்மாயில் மாமா அவர்களின் வபாத் செய்தி அறிந்து மிகவும் கவலைப் பட்டேன். (இன்னா லில்லாஹி வ இன்னா இலைஹி ராஜிஊன்) .

நூஹிய்யா எனும் ஒரு சிறந்த நிறுவனத்தை துவக்கி நமதூரில் அனைவருக்கும் தேவையான ஒரு அழகிய தொழில் நிறுவனத்தை திறம்பட நடத்தி வந்தார்கள் . வீட்டிலும் அவர்களின் நிறுவனம் அவர்களின் குடும்பதார்களால் சிறப்பாக நடாத்தி வரப்படுகிறது .

கடுமையான முயற்சியும், எந்தப் பொருளை கொடுத்தாலும் அதனை ரிப்பேர் செய்து நல்ல கண்டிசனாக ஆக்கி தரும் அளவிற்கு திறமை உள்ளவர்கள் . அனைவரிடமும் அன்பாக பேசும் அவர்கள் , தமாசாகவும், உரிமையோடும் பேசும் நற்குணமுள்ளவர்கள் .

முஹல்லாவில் நடைபெறும் கல்யாண காட்சிகள் , இதர நிகழ்சிகள் அனைத்திலும் பங்குபெற்று, நிகழ்சிகள் முடியும்வரை அனைத்தையும் சிறப்பாக செய்து முடிப்பவர்கள் .

அவர்கள் ஹஜ்ஜுக்கு வந்து ஆற்காடு கட்டிடத்தில் தங்கிய போது அணைத்து ஹாஜிமார்களுக்கும் லக்கேஜ்களையும் வலியசென்று அருமையான முறையில் பார்சல் செய்து கொடுப்பார்கள் . அப்போது நானும் அவர்களுக்கு அருகில் இருப்பேன் . பார்சல் செய்யும் முறையை அழகிய முறையில் கற்று தந்தார்கள் .

அவ்வருடம் ஹஜ்ஜின் போது நானும், அருமை சகோதரர் அஹ்மத் ஆலிமும் புதிய விரிவாக்க அரபா மைதானத்தில் காணாமல் போகி, மீண்டும் மறுநாள் அதிகாலையிலேயே முஜ்தலிபா வந்து சந்திக்கும் வரை இரவெல்லாம் வருவோர், போவோர் என அனைவரிடமும் எங்கள் இருவரையும் பற்றி விசாரித்து , இரவெல்லாம் தூங்காமல் , அழுதுக் கொண்டு இருந்த அந்த அன்பு, பாசம் நிறைந்த நிகழ்ச்சி இன்னும் எனது நினைவில் உள்ளது .அல்லாஹ் அனைவருக்கும் போதுமானவன்.

அன்னாரின் இழப்பு மாபெரும் இழப்பாகும். ஒரு சிறந்த நிர்வாகி நம்மை விட்டும் பிரிந்தது மிகவும் கவலை அளிக்கிறது .

வல்ல அல்லாஹ்வின் நாட்டத்தை நாம் அனைவரும் பொருந்தி கொள்வது நம் யாவரின் மீதும் கடமையாகும்.

அன்னாரை இழந்து தவிக்கும் அன்னாரின் குடும்பத்தினர்கள் , உற்றார், உறவினர்கள் குறிப்பாக அருமை சகோதரர் அல்ஹாஜ் , அல்ஹாபில் மௌலவி, H.A. அஹ்மத் அப்துல் காதிர் ஆலிம் மஹ்லரி, அல்ஹாஜ்ஜா கதீஜதுள் குப்ரா, அருமை பௌஜியா மாமி , அருமை நண்பன் அல்ஹாஜ் முஹம்மத் நூஹு , அருமை தம்பி அல்ஹாபில் யூசுப் சாஹிப் மற்றும் அனைவருக்கும் எனது ஆழ்ந்த இரங்கலையும், துஆக்களையும் தெரிவித்துக் கொள்கிறேன் . அல்லாஹ்விற்காக சபூர் செய்துக் கொள்ளுமாறு அன்புடன் வேண்டுகிறேன் .

கிருபையுள்ள அல்லாஹ் மர்ஹூம் அவர்களின் குற்றங்கள், குறைகள் யாவற்றையும் மன்னித்து அவர்களின் மண்ணறையை விசாலமாக்கி, ஒளிமயமாக்கி , கேள்வி கணக்கை எளிதாக்கி , நாளை மறுமையில் அண்ணல் கோமான் முஹம்மத் முஸ்தபா (ஸல்லல்லாஹு அலைஹி வ ஸல்லம்) அவர்களின் சபாத் எனும் பரிந்துரைக்கி ஆளாகி , ஜன்னத்துல் பிர்தௌஸ் எனும் சுவனபதியில் குடியமர்துவானாக ! ஆமீன் ! யா ரப்பல் ஆலமீன்!!!!