(அந்நாளில் நல்லடியார்களை நோக்கி) "திருப்தியடைந்த ஆத்மாவே! நீ உன் இறைவன் பக்கம் செல்! அவனைக் கொண்டு நீ திருப்தியடை! உன்னைப் பற்றி அவன் திருப்தியடைந்திருக்கின்றான்" (என்றும்) "நீ என்னுடைய நல்லடியார்களில் சேர்ந்து, என்னுடைய சுவனபதியிலும் நீ நுழைந்துவிடு" (என்றும் கூறுவான்).
பாசதிற்குரிய இஸ்மாயில் மாமா அவர்களின் வபாத் செய்தி அறிந்து மிகவும் வேதனை அடைந்தேன்
"எல்லா ஆன்மாக்களும் மரணத்தை சுவைத்தே தீரும்" என்ற இறைவாக்கின் படி நடந்த இக்கருமத்திற்கு நாம் பொறுமையை மேற்கொள்ள கடமை பட்டிருக்கிறோம். என்பதால் என் மனதை ஆறுதல் படுத்திக்கொண்டேன்.
நான் சிறுவனாய் இருக்கும்போது பெரும்பாலும் அவர்கள் வீட்டில்தான் இருப்பேன். அவர்களின் பிள்ளைகளில் ஒருவனாகவே என்னையும் அன்பால் அரவனைத்தர்கள். தினந்தோறும், தோட்ட வேலைகள், அவ்வப்போது ஏற்படும் சிற்சில மின் பழுதுகள், தண்ணீர் குழாய் பழுது, இன்னபிற பணிகளுக்கு நான் அவர்களுடன் உற்ற துணையாய் இருந்திருக்கிறேன். கடந்த 20 வருடங்களுக்கு முன் நடந்த பல்வேறு நிகழ்ச்சிகளை இப்போது மனதில் அசை போட்டு பார்க்கிறேன். கண்களில் நீர் சொரிகின்றது.
1992 செப்டம்பர் 13, 14 தேதிகளில் நமதூரில் நடைபெற்ற பெரும் கலவரத்தால், நான் பைபாஸ் ரோடு வரை வந்து ஊருக்கு வர முடியாமல் மீண்டும் தூத்துக்குடி சென்று தங்க வேண்டிய சூழ்நிலை ஏற்பட்டது. வந்த வேலையை முடித்துவிட்டு மீண்டும் சென்னை செல்ல இருந்தேன். அவ்வமயம் அவர்களின் தொழில் நிமித்தமாக அவர்களும் தூத்துக்குடி வந்திருந்தார்கள். அவர்களும் ஊர் திரும்ப முடியாமல் தூத்துக்குடியிலேயே தங்க வேண்டியதாயிற்று. நான் வந்த விஷயம் கேள்விப்பட்டு, நான் இருந்த இடம் தேடி வந்து, என்வேலை முடிவதற்கு உதவி செய்தும் நான் புறப்படும் வரை என்னோடு இருந்தவர்கள்.
சிறந்த உபகாரி, உழைப்பால் உயர்ந்தவர், நற்குணங்கள் நிரம்பவே பெற்றவர். வாழ்வின் பிற்பகுதியில் நோயினால் சிரமப்பட்டபோதும், பொருளின்றி கஷ்டப்படும் ஏழ்மையான குடும்பங்களுக்கு உதவ வேண்டி என்னிடமும், மற்றவர்களிடமும் முறையிட்டவர்.
எல்லாம் வல்ல அல்லாஹ், மர்ஹூம் அவர்களின் சிறிய, பெரிய பாவங்களை மண்ணித்து, அவர்களின் நல் அமல்களை அங்கீகரித்து, அவர்களின் மண்ணறையை ஒளிவாக்கி, நாளை மஹ்ஷரில், நல்லடியார்களுடன் எழுப்பச்செய்து மேலான சுவனத்தில் உயர்ந்த அந்தஸ்தில் வீற்றிருக்க செய்வானாக ஆமீன்.
மர்ஹூம் அவர்களை இழந்து வாடும் குடும்பத்தினர் அனைவருக்கும், அல்லாஹ் அவனது மேலான பொறுமையை வழங்குவானாக ஆமீன்.
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
United Arab Emirates
