IP: 117.*.*.* India

அஸ்ஸலாமு அலைக்கும் (வரஹ்).

அன்பு மாணவர்களே!

மத்திய - மாநில அரசுகள் வழங்கும் கல்வி உதவித்தொகைகள் தேவைப்படுவோர் அவைகளைப் பயன்படுத்திக்கொள்ளவும்.

இந்த உதவித் தொகையைப் பெற பெற்றோர் / பாதுகாவலரின் ஆண்டு வருமானம் ரூபாய் 2,50,000/= அதாவது மாத வருமானம் சுமார் 20 ஆயிரத்திற்கு மேற்படாமல் இருக்க வேண்டும் என்ற நிபந்தனையை அரசாங்கம் விதித்திருக்கிறது.

நம் ஊரிலே எத்தனையோ மக்கள் அரபு நாடுகளிலே வேலை பார்ப்பவர்களாக இருந்தாலும் கூட, மாத வருமானம் 20 ஆயிரத்திற்கும் குறைவாக உள்ளோர் பல பேர்கள் உண்டு. எனவே அப்படி பட்டவர்களெல்லாம் இந்த உதவியைப் பயன்படுத்திக் கொள்வது நல்லது. அதே நேரத்தில் வருமானம் அதிகமாக உள்ளோர் இந்த உதவித் தொகையைப் பெறுவது என்பது சிறந்த செயலல்ல.

இன்னும் சொல்லப்போனால் உங்கள் பெற்றோருடைய மாத வருமானம் 10, 12 ஆயிரம்தான் என்று இருந்தாலும் அந்த வருமானத்திலேயே உங்களைப் படிக்க வைக்க முடியும் என்று இருக்குமானால் நீங்கள் அரசாங்கத்தின் உதவித் தொகையைப் பெறாமல் உங்கள் பெற்றோரின் சம்பாத்தியத்திலேயே படியுங்கள் உங்கள் கல்வி மிகச் சிறந்ததாகும். நல்ல அபிவிருத்தியுடன் உங்கள் வாழ்வு உயரும்.
-------------------------------------
பெற்றோர்களே!

உங்களுக்கு தேவையான வருமானம் இருந்து அதிலே உங்கள் குடும்பத்திற்கான அத்தியாவசிய செலவினங்களை செய்யவும், உங்கள் பிள்ளையை படிக்க வைக்கவும் போதுமெனில் அதுவே உங்களுக்கு சிறந்தது, பரக்கத்தானது. நீங்கள் பிறரிடம் அது அரசாங்கமேயானாலும் சரி கையேந்த வேண்டாம்.

அரசாங்கம் நிபந்தனை இல்லாது தந்தால் ஏற்றுக்கொள்ளலாம், ஆனால் வருமான வரம்பை சொல்லி இருக்கிறதால் அந்த வரம்பிற்கு மாறாக செயல்படுவது ஏற்றுக்கொள்ள தக்கதல்ல.
-------------------------------------------
அன்பு மாணவர்களே!

சில மாணவர்கள் பெற்றோர்களுக்குத் தெரியாமல் இந்த உதவித் தொகையை வாங்கி, தங்களது கை செலவுக்காக வைத்துக்கொள்வதுண்டு. அது மிகவும் வெறுக்கத்தக்க செயல், பல குற்றங்களை சுமக்கின்றது. எனவே மாணவர்களே! அந்த மாதிரி செயல்கள் செய்திடாமல் ஷைய்த்தானிடமிருந்து உங்களை பாதுகாத்துக் கொள்வீர்களாக.

எல்லாம் வல்ல அல்லாஹ்! நம் மக்கள் அனைவரையும் நேர்வழியில் வாழக் கிருபை செய்வானாகவும் ஆமீன். வஸ்ஸலாம்

அன்புடன், " மஹ்மூது மாமா ".