IP: 2.*.*.* United Arab Emirates

பணத்தை இழந்த நபருக்கு ஆழ்ந்த அனுதாபங்கள். காவல்துறையினர் உரிய துரித நடவடிக்கை எடுப்பார்கள் என்று நம்புவோமாக.

இந்த சம்பவம் நடந்தது, ஊரின் ஒரு பகுதியில். இதை தடுக்க வேண்டும் என்றால், பலரின் கருத்தை பார்த்தால் பெருநகரங்களில் ஒவ்வொரு அடுக்குமாடி குடியிருப்புகளிலும் இருப்பது போல், நமதூர் தெருவுக்கு தெரு, முடுக்குக்கு முடுக்கு CCTV வைத்தால், குற்றங்கள் நிகழாமல் தடுக்கலாம். அல்லது, குற்றவாளிகளை கண்டுபிடிக்கலாம்.

"CCTV கேமரா காயல்பட்டினத்தில் பொது இடங்களில் பொறுத்த வேண்டி நமது நகராட்சியில் பரிந்துரை செய்த காவல்துறையின் பரிந்துரையை தீர்மானமாக கொண்டு வர நகர்மன்ற தலைவர் அவர்கள் முயற்சி எடுத்து அத்தீர்மானம் நகரமன்ற கூட்டத்தில் உறுப்பினர்களால் கிடைப்பில் போடப்பட்டது என்பது குறிப்பிடத்தக்கது" (C&P)

ஒரு கருத்தை எத்தனை தடவைதான் ஒரு சார்பாக பரப்புவீர்கள்? இந்த தீர்மானம் பற்றிய விவாதங்கள் வீடியோ காட்சிகளாக இணையதளங்களில் உள்ளது.

நவம்பர் மாத கூட்டத்தில், உறுப்பினர்களின் எதிர்ப்பான (பொது மக்கள் கூடும் இடங்களில்) CCTV வைக்காவிட்டால் பராவில்லை. "நகராட்சியில் வைப்போம்" என்று தலைவி சொல்கிறார். உறுப்பினர்கள் அதற்கு உடன்பட்டு நகராட்சியில் வைக்க தீர்மானம் ஏகமனதாக நிறைவேற்றுகின்றனர். அதற்கான வீடியோ இணையதளங்களில் இருக்கிறது.

இதில் முக்கிய விஷயம் என்னவென்றால், இன்றைய தேதி வரை தலைவியின் விசுவாசியாக இருக்கும் 13-ம் வார்டு உறுப்பினர் நண்பன் சம்சுதீன் அவர்களும் அந்த தீர்மானத்தை ஆதரித்து ஒட்டு போடவில்லை. அதை விட சுவராஸ்யம், இன்று உறுப்பினர்கள் மீது பழியை போடும் தலைவி, தனது ஆதரவை தெரிவிக்கும் விதமாக மினிட் புத்தகத்தில் "தலைவர் குறிப்பை" கூட எழுதவில்லை.

தீர்மானம் வரும் போது ஆதரித்து வாக்களிக்காமல், தனது "தலைவர் குறிப்பை" எழுதாமல், உறுப்பினர்களை குறை சொல்வது எங்ஙனம் நியாயம்? என்று வாசகர்கள் முடிவுக்கு விடுவோம்.

குற்றங்கள் நடைபெறும் பொது இடங்களை இப்போது காவல்துறையினர் சொல்லியுள்ளனர். அதை அமுல்படுத்த முயற்சியை எடுக்க தலைவி தீர்மானம் கொண்டு வருவார். அதன் மீதான விவாதத்தில் உறுப்பினர்கள் என்ன சொல்கிறார்கள்? என்பது நகரமன்ற கூட்டம் நடந்தால்(?) தெரியும்.

CCTV வைப்பதற்கு யாரும் எதிர்ப்பில்லை. எங்கெல்லாம் வைக்க வேண்டும் என்பதில் தான் கருத்து வேறுபாடு. அந்த வேறுபாடும் நீங்கும்.

-சாளை. அப்துல் ரஸ்ஸாக்.