IP: 92.*.*.* United Arab Emirates

يَا أَيَّتُهَا النَّفْسُ الْمُطْمَئِنَّةُ ارْجِعِي إِلَىٰ رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي

(அந்நாளில் நல்லடியார்களை நோக்கி) "திருப்தியடைந்த ஆத்மாவே! நீ உன் இறைவன் பக்கம் செல்! அவனைக் கொண்டு நீ திருப்தியடை! உன்னைப் பற்றி அவன் திருப்தியடைந்திருக்கின்றான்" (என்றும்) "நீ என்னுடைய நல்லடியார்களில் சேர்ந்து, என்னுடைய சுவனபதியிலும் நீ நுழைந்துவிடு" (என்றும் கூறுவான்).

மதிப்பிற்குரிய இசை முரசு ஹாஜி ஹனீபா அவர்களின் வபாத் செய்தி அறிந்து மிகவும் கவலை அடைந்தேன்

"எல்லா ஆன்மாக்களும் மரணத்தை சுவைத்தே தீரும்" என்ற இறைவாக்கின் படி நடந்த இக்கருமத்திற்கு நாம் பொறுமையை மேற்கொள்ள கடமை பட்டிருக்கிறோம். என்பதால் என் மனதை ஆறுதல் படுத்திக்கொண்டேன்.

ஹனீ என்றால் தேன் - பா என்றால் பாடல்
தேன் சுவைக்கீடான பாடல்களைத் தந்தவர்.

நான் சிறுவனாய் இருக்கும்போது அவர் பாடிய பாடல்களை அதிகம் மனனம் செய்திருக்கிறேன். பெரும்பாலானவை முஹம்மத் முஸ்தபா (ஸல்) அவர்களின் வரலாற்றை உள்ளடக்கியதாகவும், இஸ்லாமிய சரித்திரங்களை எடுத்துரைப்பதாகவும் அமைந்திருக்கும். நபிகளாரின் மேல் முஹப்பைத்தை அதிகரிக்கச் செய்பவை. அவரின் பாடல்களில் வரக்கூடிய அரபி வார்த்தைகளை சரியான முறையில் உச்சரிப்பதும் சிறப்பான அம்சங்களில் ஒன்று.

போவோம் எல்லோரும் கூடி,
பொன்னான ஹஜ்ஜை நாடி,

லாயிலாஹா இல்லல்லா
ஹூவினில் இன்பம் கொள் நெஞ்சமே....

தாங்கள் இல்லாமல் நாங்கள் இல்லையே ...

போன்ற எண்ணற்ற பாடல்கள் இன்னமும் இதயத்தை வருடுபவை.

மர்ஹூம் தாவன்னா காசிம், மர்ஹூம் நாகூர் சலீம், மர்ஹூம் ஆபிதீன் புலவர் போன்ற பல பாடலாசிரியர்களின் மூளையில் உதித்த பாடல்கள் ஒரு மூலையில் அமர்ந்திருக்கும். அவற்றை நம் காதுகளுக்கு கல்யாணம் செய்து வைத்தவர் இந்த சில்வர் முடி சிம்மக்கொரலோன்.

இவருடைய பேச்சு - பாடும் சாயலை பின்பற்றியே பல இஸ்லாமிய பாடகர்கள் இன்னமும் பாடி வருகின்றனர். சற்றொப்ப 30 வருடங்களுக்கு முன்னர்,
திக்குத் திகந்தமும் கொன்ன்டாடியே வந்து என்ற பாடலில் - தக்க பெரியோனருள் தங்கியே.... என்ற வரியை உயர்ந்த சாரீரத்தில் பாடுகையில் இவர் சரீரம் வெகுவாகவே பாதித்தது. இறையருளால் மீண்டும் உடல் நலம் பெற்று பாடத் துவங்கியவர்.

திராவிட இயக்கங்களின் துவக்கங்களில் உள்ளவர். இயக்கங்களால் இவர் வளர்ந்ததில்லை. மாறாக,, இயக்கங்களின் வளர்ச்சிக்கு உழைத்தவர்.

எல்லாம் வல்ல அல்லாஹ், மர்ஹூம் அவர்களின் சிறிய, பெரிய பாவங்களை மண்ணித்து, அவர்களின் நல் அமல்களை அங்கீகரித்து, அவர்களின் மண்ணறையை ஒளிவாக்கி, நாளை மஹ்ஷரில், நல்லடியார்களுடன் எழுப்பச்செய்து மேலான சுவனத்தில் உயர்ந்த அந்தஸ்தில் வீற்றிருக்க செய்வானாக ஆமீன்.

மர்ஹூம் அவர்களை இழந்து வாடும் குடும்பத்தினர் அனைவருக்கும், அல்லாஹ் அவனது மேலான பொறுமையை வழங்குவானாக ஆமீன்.

யஹ்யா முஹியித்தீன்