IP: 220.*.*.* Singapore

அல்ஹாஜ் நாகூர் ஹனீபா அவர்களின் மறைவு முஸ்லிம் சமுதாயத்திற்கு ஈடு செய்ய முடியாத ஒரு மாபெரும் இழப்பாகும் . இஸ்லாமிய பாடல் என்றால் உடனே அனைவருக்கும் நாபகம் வருவது நாகூர் ஹனீபா அவர்களின் பாடல்கள்தான் .

அந்த அளவிற்கு இஸ்லாத்தை தனது சிம்மக் குரலுடன் பாடல் வடிவத்தில் பட்டி, தொட்டி எல்லாம் பரவச்செய்தவர் .

அவர் தொடாத துறையே இல்லை என சொல்லும் அளவிற்கு அணைத்து துறைகளையும் தனது பாடலால் இணைத்தவர் .

அல்லாஹ்வைப்பற்றி (இறைவனிடம் கையேந்துங்கள்) , அண்ணல் நபிகள் நாயகம் (ஸல் லல்லாஹு அலைஹி வ ஸல்லம்) அவர்களைப்பற்றி (அண்ணல் நபி பொன்முகத்தை கண்கள் தேடுதே), மக்காவை பற்றி (மக்கமா நகர் பிறந்தீரே) மதீனாவைப் பற்றி (மதீனா நகருக்கு போகவேண்டும்) , வலிமார்களை பற்றி (ஜீலானி அப்துல் காதிர் ஜிலானி , கருணை கடலாம் காதிர் வலியின்) என சொல்லிக்கொண்டே செல்லலாம்.

உண்மையில் இவர்கள் அண்ணல் நபியின் மீது அளப்பெரும் அன்பு கொண்டவர்கள் (ஆசிகே ரசூல்) அந்த அளவிற்கு நபியின் மீதுண்டான பாசம் அவர்களின் பாடல்களின் தேனருவியாய் பாய்ந்தோடும் .

எல்லாம் வல்ல நாயன் அவர்களின் மண்ணறையை ஒளிமயமாக்கி , விசாலமாக்கி , அவர்களின் குற்றங்கள் , குறைகளை மன்னித்து நாளை மறுமையில் நபிமார்கள் , சுகதாக்கள் , சாளிஹீன்களோடு ஜன்னத்துல் பிர்தௌஸ் எனும் சுவனபதியில் அண்ணல் நபி அவர்களின் அசல்பாகத்தில் குடியமர எல்லாம் வல்ல அல்லாஹ் நல்லருள் புரிவானாக ! ஆமீன் ! யா ரப்பல் ஆலமீன் !!!!!!!