IP: 118.*.*.* China

அஸ்ஸலாமு அலைக்கும். வ ரஹ்மதுல்லாஹி வ பறக்காதுஹு. எனது அருமை மச்சான் அல்ஹாஜ் பீர் முஹம்மத் அவர்களின் வபாத் செய்தி அறிந்து மிகவும் கவலைப் பட்டேன் . இன்னா லில்லாஹி வ இன்னா இலைஹி ராஜிஊன் .

அருமை மச்சான் எல்லோரிடமும் அன்பாகவும் , சிரித்த முகத்துடனும் பேசும், பழகும் நற்குனமுடையவர்கள்.

சன்மார்க்க அறிவும், சன்மார்க்க சொற்பொழிவுகள் எங்கு நடந்தாலும் அனைத்திலும் கலந்து கொள்வார்கள் .

ஐங்கால தொழுகையினை இமாம் ஜமாத்துடன் தொழும் வழமை உடையவர்கள்.நமது முஹல்லாவில் நடைபெறும் மொலூது, கந்தூரி, புர்தா, கத்தம்தமாம் , என அணைத்து நிகழ்வுகளிலும் தவறாது கலந்து கொள்ளுவார்கள் .ஸுபுஹ் தொழுகை முடிந்து நமது முஹல்லாவில் உள்ள “வலிமார்களின்” தர்காவிற்கு சென்று அணைத்து ஜியாரத்களையும் முறைப்படி நிறைவேற்றியே இல்லம் திரும்புவார்கள் .

ஒரு சிறந்த நிர்வாகியை நமது முஹல்லா இழந்துவிட்டது ஒரு ஈடு செய்ய முடியாத பேரிழப்பாகும் .

என்னை காணும் நேரமெல்லாம் “ஓய் மட்சினன்” என அன்புடன் கூப்பிட்டு சுகநலம் விசாரித்து மார்க்க விசயமாக ஏதாவது கருத்து பரிமாற்றம் செய்து கொள்ளுவார்கள் .

“அஹ்லுஸ் சுன்னத் வல் ஜமாஅத் “கொள்கையில் பற்றும், உறுதியும் உள்ள அவர்கள் இந்த அகீதாவிர்க்கு மாற்றமான கொள்கைகளை கடுமையாக எதிர்த்து, தானும் தவிர்ந்து, பிறரையும் தவிர்க்க வேண்டும் என வலியுறுத்துவார்கள்.

அன்னாரின் இழப்பு ஒரு பெரும் இழப்பாகும். அன்னாரை இழந்து வாடும் உற்றார் , உறவினர்கள் , குடும்பத்தார்கள் குறிப்பாக எனது அருமை நண்பர் டாக்டர் அல்ஹாஜ் செய்யித் அஹ்மத், அருமை தம்பி அல்ஹாஜ் ஹுசைன் நூர்தீன் , அல்ஹாஜ் சர்ஜூன் மற்றும் அனைவருக்கும் எனது ஆழ்ந்த இரங்கலை தெரிவித்துக் கொள்கிறேன்.

சபூர் செய்துக் கொள்ளுமாறு அன்புடன் வேண்டுகிறேன் . அல்லாஹ் உங்கள் யாவருக்கும் நிறைந்த பொறுமையையும், உயர்ந்த நற்கூலியையும் வாரி வழங்குவானாக !

எல்லா வல்ல அல்லாஹ் மர்ஹூம் அவர்களின் குற்றங்கள், குறைகள், அறிந்தோ, அறியாமலோ செய்துவிட்ட பாவங்கள் யாவையும் மன்னித்து, அவர்களின் கப்ரை ஒளிமயமாக்கி, விசாலமாக்கி , கேள்வி கணக்கை இலகுவாக்கி , கப்ரை ஜன்னது பிர்தௌஸ் எனும் உயர்ந்த சுவனபதியாக்கி , நாளை மறுமையில் அண்ணல் நாயகம் (ஸல் லல்லாஹு அலைஹி வ ஸல்லம்) அவர்களின் சபாஅத் எனும் பாக்கியத்தை பெற்றவர்களாக, அன்னாரோடு ஜன்னத்துல் பிர்தௌஸ் எனும் சுவனபதியில் அசல் பாகத்தில் குடியமர பேரருள் புரிவானாக ! ஆமீன் ! யா ரப்பல் ஆலமீன் !!!!!!!!!!!!!