அஸ்ஸலாமு அலைக்கும் வ ரஹ்மத்துல்லாஹி வ பரக்காத்தஹு..

என்னன்பு பள்ளி நண்பன் மருத்துவர்,பி.எம்.செய்யது அஹமதுவின் அன்புமிகு தந்தை எனது பெரும் மதிப்பிற்கும் மரியாதைக்குமுரிய எஸ்.ஏ .பீர் முஹம்மது மாமா அவர்கள் நீண்ட காலம்மாக சவுதியில் பேரோடும் புகழோடும் பணியாற்றி வந்த ஜித்தாவில் உள்ள மிக பிரபலமான அல்-ஈஸாயி எனும் நிறுவனத்தில் கடந்த 18 ஆண்டுகளுக்கு முன் என்னை சேர்த்து விட்டும் மேலும் நானும் அவர்களோடு இணைந்து பணியாற்றியதோடு இன்று வரை பணியாற்றி இறையருளால் அவர்களது கண்ணியத்தை காத்து வருகின்றேன்.

என்னைப் போல் நமதூர் மக்கள் நிறைய நபர்களை அவர்கள் இந்த கம்பேனியில் சேர்த்துவிட்டு எங்கள் வாழ்வில் வழிகாட்டி ஒளியேற்றி சிறப்பாக்கி வைத்துள்ளார்கள். ஜசாக்கல்லாஹ் ஹைரா.

இவர்கள் இன்று மறைந்து விட்டார்கள் எனும் செய்தியை நண்பர் குளம் எம்.ஏ.அஹமது முஹியித்தீன் மூலம் அறிந்து பெரும் கவலைக்கும் அதிர்ச்சிக்கும் உள்ளானேன். இன்னாலில்லாஹி வ இன்னா இலைஹி ராஜிவூன்.

இந்த மரண நடப்பை அவர்களது நீண்டகால நண்பரும் எமது மேலாளருமான சவூதி அவர்களிடம் கூறிடவும் பெரும் அதிர்ச்சி அடைந்து கவலைக்குள்ளாகியும் பிரார்த்தித்து கொண்டார்கள். மற்றும் அவர்களோடு பணியாற்றிய சக ஊழியர்களிடமும் கூறிடவும் யாவரும் அதிர்ச்சிக்குள்ளாகி பிரார்த்தித்து அவர்கள் மக்களிடம் ஸலாம் மற்றும் சபுரை சமர்ப்பிக்குமாறும் சொல்லி கொண்டார்கள்.

எல்லாம் வல்ல அல்லாஹ் மறைந்திட்ட எனது பெரும் மரியாதைக்குரிய எஸ்.ஏ .பீர் முஹம்மது மாமா அவர்களின் நல்லமல்கள் யாவற்றையும் கபூல் செய்து பாவ பிழைகளை மன்னித்து மண்ணறையை வெளிச்சமாக்கி விசாலமாக்கியுமாக்கியும் வைத்து நாளை மறுமையில் உயரிய ஜன்னத்துல் பிர்தவ்ஸ் எனும் சுவனப்பதியை வழங்கிடுவானாக ஆமீன்.

அவர்களின் பிரிவால் துயருற்றிருக்கும் அருமை மகன்கள் ,மகள், மனைவி மற்றும் குடும்பத்தார்களுக்கும் இப்பிரிவை தாங்கிடும் மன வலிமையும் அளித்து 'ஸப்ரன் ஜமீலா' எனும் அழகிய பொறுமையையும் எல்லாம் வல்ல அல்லாஹ் வழங்கியருள்வானாக ஆமீன்.

ஆழ்ந்த இரங்கலுடன் அஸ்ஸலாமு அலைக்கும் .

சட்னி,எஸ்.ஏ.கே.செய்யது மீரான்-மற்றும் குடும்பத்தினர்கள்
காயல்பட்டினம்.ஜித்தா..