IP: 128.*.*.* Romania

முதலிடத்தையும்,முதன்மையை நெருங்கிய இடத்தையும் பிடித்து வெற்றிபெற்ற அனைத்து மாணாக்களுக்கும் இந்த ஆதம் சுல்தானின் நல் வாழ்த்துக்கள்!

எந்த ஒரு போட்டியென்று வந்தாலே முதலிடம், இரண்டாமிடம் கடையிடம் என்ற சித்தாந்தத்தில் தான் இந்த உலகம் சுழல்கிறது. பலபேர் பங்கெடுத்து போட்டிபோட்டு முன்னெடுத்து முயலும் எந்த போட்டியிலும் எல்லோரும் ஒரே நேரத்தில் முதல் இடத்தைப்பிடித்து ஒரு சேர வெற்றிபெற்றார்கள் என்ற உலக அதிசய நிகழ்வை.இதுவரை கேள்விபட்டதில்லை! ஆகவே,

வெற்றிக்கு முயற்சித்து அது சற்றே கைநழுவி போன மாணவ மணிகளே,உங்கள் வெற்றி வேண்டுமானால் கைநழுவி போகலாம் ஆனால் காலம் உங்கள் முன்னால் இருக்கிறது, இடறிவிழுந்த நீங்கள் எழுந்திருங்கள்,இடுப்பை தட்டிவிட்டு தளராமல் ஓடுங்கள்,ஓடுங்கள் உங்கள் வெற்றி இலக்கு உங்களுக்கு முன்னால் கணபொழுதில் கிடைத்து விடும்! கலங்க வேண்டாம், கண்ணீர் வேண்டாம் கடந்த கால மதிப்பெண்ணைவிட கூடுதல் கிடைப்பதற்கு இது ஒரு வாய்ப்பாக எண்ணி விடுங்கள்!

இவ் உலகம் மெச்சும் எத்தனையோ மேதாவிகள், மேன்மைதங்கிய தலைவர்களின் பலபேர் தங்கள் கல்வித்தேர்வில் தோல்விகண்டவர்கள் தான்.துவளவில்லை திரும்பவும் முயற்சித்தார்கள், வெற்றிபெற்றார்கள்.இந்த உலகம் பாராட்டும் உன்னதமானவர்களாக மாறினார்கள்.அவர்கள் வரிசையில் நீங்களும் ஏன் வரக்கூடாது?

மாணவ மணியே நன்றே நினைத்திடுக, இன்றே புறப்பட்டு விடாமுயற்சியுடன் வீறுகொண்டு இறங்கு உன் உழைப்பின் விளிம்பில் உன் வெற்றிகனி தெரிகிறது, உன் விரலிடை தூரம்தான் பாய்ந்து சென்று பறித்திடு! படைத்த இறைவனும் உனக்கு துணைபுரிவான்! அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!