IP: 180.*.*.* India

அஸ்ஸலாமு அலைக்கும் (வரஹ்).

நகராட்சியில் நடைபெறும் நாடகம் காண சகிக்கவில்லை. இதில் யார்! யார் !! தவறு செய்கிறார்கள் ? என்று பிரித்துப் பார்ப்பதற்கில்லை.

அத்துனை பேர்களும் தப்பு செய்பவர்களாகவே கணிக்கப்படுகிறார்கள் - குறைந்த பட்சம் தவறாவது செய்து கொண்டுதான் இருக்கிறார்கள்.

மக்கள் பிரதிநிதிகள் என்று மட்டுமல்ல அரசு ஊழியர்களும் தவறுகளுக்கு காரணமாகத்தான் இருக்கிறார்கள்.

----------------------------------------

வெளிநடப்பு என்றால் என்ன என்பதற்கு அர்த்தம் தெரியாதவர்களை மக்களின் பிரதிநிதியாக நகர்மன்றத்திற்கு அனுப்பி வைத்தால் அவர்கள் இப்படித்தான் நடந்துக் கொள்வார்கள்.

கூட்டத்திற்கு சென்றோம் வருகை ஏட்டில் கையொப்பமிட்டு வருகையை பதிவு செய்தோம், கூட்டம் தொடங்கிற்று – அதன் பின் ஏதாவது ஒரு காரணத்தை சொல்லி (அது தவறோ இல்லை சரியோ ) வெளிநடப்பு செய்தால் அதற்கு பெயர் தான் “ வெளிநடப்பு “.

வருகை ஏட்டில் கையெழுத்தும் பதிவாகவில்லை , கூட்டமும் நடைபெறவில்லை என்றால் நீங்கள் எதிலிருந்து வெளிநடப்பு செய்தீர்கள்?

கூட்டத்தை நடைபெறவிடாமல் புறக்கணித்திருக்கிறீர்கள் அவ்வளவுதான் அதை எப்படி வெளிநடப்பு என்று சொல்ல முடியும்.

இப்படி ரொம்ப விவரம் தெரிந்தவர்களைத்தான் நம் மக்கள் ”பிரதிநிதிகளாக” தேர்ந்தெடுத்திருக்கிறார்கள் – இனிமேலாவது நம் மக்கள் திருந்தி அடுத்த முறை, விவரம் தெரிந்தவர்களை, நேர்மையானவர்களை, மக்களுக்கு சேவையாற்றக்கூடியவர்களை தேர்ந்தெடுக்க வேண்டும். அப்போதுதான் வருங்கால சந்ததியினர் நிம்மதி அடைவர்.

--------------------------------------

தலைவர் திறமையானவர், வல்லவர், நல்லவர் என்றோ? அல்லது மன்ற உறுப்பினர்கள் எல்லோரும் திறமையற்றவர்கள் என்றோ சொல்ல வரவில்லை – எல்லோரும் ஒரே குட்டையில் ஊறிய மட்டைகள்தான்.

இந்த மன்றம் தொடங்கியதிலிருந்து இதுவரை நடைபெற்றுக் கொண்டிருக்கின்ற அத்தனை நிகழ்வுகளையும் பார்க்கும்போது – உங்களில் யாருக்குமே பொறுப்பு இல்லை என்றே! அறிய முடிகிறது.

உண்மையாகவே உங்களில் யாராவது பொறுப்புள்ளவர்களாக இருந்தால், மக்களுக்கு எந்த வகையிலும் நஷ்டமும், கஷ்டமும் வரக்கூடாது என்ற எண்ணம் உள்ளவர்களாக இருந்திருந்தால் இவ்வளவு காலம் இப்படி எந்த ஒரு காரியமும் செய்யாமல் நேரத்தை வீணாக்கி இருக்க மாட்டீர்கள்.

எந்த வகையிலாவது ஒத்துப்போய் காரியங்களை சாதித்திருப்பீர்கள் அல்லது நாம் இந்த பதவியிலிருக்க பொருத்தமானவர்கள் அல்ல என்று பதவியை விட்டு விலகிப்போய் இருப்பீர்கள் – அதை செய்தீர்களா? செய்யவில்லையே! - ஏன்? ஏன்??.

----------------------------------------------

“எந்த விபரமும் தெரிவிக்காமல் மொத்த செலவுத் தொகையை மட்டும் காண்பித்து, 2015-2016ஆம் ஆண்டிற்கான பட்ஜெட்டுக்கு நகர்மன்றத்தின் தீர்மானத்தை ஆணையர் கேட்டிருந்தார்... என்னென்ன செலவினங்கள் என்ற விபரம் தந்த பின், அதைக் கூட்டப்பொருளில் சேர்த்து ஒப்புதல் வழங்கலாம்... என்று நான் கூறியிருந்தேன். எனினும் நீண்ட நாட்களாக அது தரப்படவில்லை. “ என்று நகர்மன்ற தலைவர் ஆணையர் மீது குற்றம் சுமத்துகிறார்.

குற்றம் சுமத்துவதில் நியாயமிருந்தாலும் அதை எம்மால் நியாயப்படுத்த முடியாது – காரணம் நம் நகராட்சியில் எந்த ஒர் ஆவணமும் பாதுகாத்து வைக்கப்படவில்லை, பாதுகாத்துவைக்கப்படுவதுமில்லை. அதனால் ஆணையருக்கு பட்ஜெட் தயாரிக்க சிக்கல் ஏற்படலாம்.

இருந்தபோதிலும் ஆணையர் அனுபவமுள்ளவர் என்றால், அல்லது திறமையுள்ளவர் என்றால் பட்ஜெட்டை முறைப்படி,மரபுபடி செய்து முடித்து, தலைவர் - உறுப்பினர்களுக்கு மத்தியில் உள்ள பிரச்சனைகளில் தன் தலை உருளாமல் பாதுகாத்து இருக்கலாம்.

--------------------------------------------------

”நம் நகராட்சியில் எந்த ஒர் ஆவணமும் பாதுகாத்து வைக்கப்படவில்லை “ என்பது தெளிவு – இதை ஏதோ! கிண்டல், கேலிக்காக எழுதவில்லை – தகவல் உரிமைச்சட்டத்தில் கிடைக்கப்பட்ட தகவல் மூலமும், அதன் வழக்குகளில் (நமது நகராட்சி மற்றும் சென்னையில் உள்ள நகராட்சியின் தலைமையகமும்) கலந்து கொண்டதில் எனக்கு கிடைத்த மறுமொழியின் காரணத்தினாலும்தான் எழுதியிருக்கிறேன்.

மேலும் புதிய ஆணையர் பொறுப்பேற்றதிலிருந்து எந்த ஒர் ஆவணமும் காக்கப்பட வில்லை என்றால் அதற்கும் – இதற்கு முன்பிருந்தவரிடமிருந்து எந்தெந்த ஆவணங்களை முறைப்படி ஒப்புக்கொண்டாரோ அதில் எதை பாதுகாக்காமல் விட்டார்களோ? அதற்கும் இப்போதைய ஆணையரே பொறுப்பாவார்.

ஆகவே, ஆணையாரக இருப்பவர் அவருடைய வேலைக்கு பாதிப்பு ஏற்படாவண்ணம் அங்குள்ளவர்களுடன் தொடர்பை வைத்துக்கொள்ள வேண்டும் – அதை அவர் மறந்தால் விதியை யாராலும் மாற்ற முடியாது.

-------------------------------------------

மக்களே!

ஊர் இரண்டானால் கூத்தாடிக்குக் கொண்டாட்டம் என்பார்கள் – அதனால் இனி வரக்கூடியக் காலங்களிலாவது சிந்தித்து செயலாற்றுங்கள்.

நல்லவர்களை,வல்லவர்களை உங்களுக்கு நன்கு அறிமுகமானவர்களை தேர்ந்தெடுங்கள் – நகராட்சியை நலமுடன் செயல்பட செய்யுங்கள்.

வஸ்ஸலாம்.