IP: 220.*.*.* Singapore

மார்ச் 2013-ல் நகர் மன்ற ஊழியர் ஒருவரின் பெயரில் 1 லட்சத்தி 18 ஆயிரம் ரூபாய்க்கான காசோலை வழங்கப்பட்டுள்ளது. அது கனிப்பொறி வாங்குவதற்காக என்று குறிப்பிடப்பட்டுள்ளது. கனிப்பொறிக்கான டெண்டர் அறிவிக்கப்பட வேண்டும். அதை நகர்மன்ற ஊழியர்கள் எடுக்க இயலாது. காசோலை வழங்கப்பட்டவர் ஒப்பந்தபணியாளர். நிரந்தர ஊழியரும் அல்ல. அவரது மாத சம்பளமோ வெறும் மூவாயிரம் ரூபாய்தான். முறையாக டெண்டர் விடப்படாமல் குறைந்த சம்பளத்தில் உள்ள ஒரு ஊழியர்க்கு அன்றைய ஆணையர் அசோக்குமார் கையெழுத்திட்டு காசோலை வழங்கியது நகராட்சியின் விதி மீறலாகும். கிளர்க்காக பணிபுரிந்த முருகேசன் இதற்கு உடந்தையாக இருந்திருக்கின்றார். அந்த பணம் யாருக்கு எங்கே எதற்காக போனது என்பது சிதம்பர இரகசியம்!

சரி கம்ப்யூட்டர் வாங்கப்பட்டிருந்தால் அந்த அந்த கம்ப்யூட்டர் இப்போது எங்கே? வாங்காத பொருளுக்கு மக்கள் வரிப்பணத்திலிருந்து ஒரு தொகை கொடுக்கப்பட்டு அதை கையாடல் செய்துள்ளனர். நகர்மன்ற கணக்குகளை சேர்மன் பரிசோதித்து கையாடல் செய்தது உறுதியான பின்பு லஞ்ச ஒழிப்புத்துறைக்கு புகார் கொடுத்துள்ளார். சமீபத்தில் லஞ்ச ஒழிப்புத்துறை நமது நகர்மன்றத்தில் நடத்திய விசாரனையில் கம்ப்யூட்டர் வாங்கப்படவில்லை என்பது தெரிய வந்துள்ளது. இன்னும் என்னென்ன ஊழல்கள் கையாடல்கள் நடந்துள்ளனவோ அந்த ஆண்டவனுக்கே வெளிச்சம்!

குற்றம் சாட்டப்பட்ட அந்த உத்தமர்தான் இப்போது இணையதளங்களில் சேர்மனுக்கு எதிராக பக்கம் பக்கமாக குறைகூறி எழுதி வருகின்றார். இன்னும் அவர் சேர்மனைத் தாக்கி எழுதுவதற்கென்றே தனிப்பட்ட முகநூல் ஒன்றையும் வைத்துள்ளார்.

பல்வேறு முறைகேடுகளை எதிர்ப்பதாலும், அதற்கு உடன்பட மறுப்பதாலும் இன்றைய சேர்மனை ஊருக்கு உதவாத ஆணவம் பிடித்தவர் என்பது போல் ஒரு மாயையை மக்கள் மனதில் விதைக்க மல்லுக்கட்டி வரும் சிலர், அவர்(ஆபிதா) போல் ஒரு திறமையான சேர்மன் இனி தவமிருந்தாலும் கிடைக்கப்போவதில்லை எனும் உண்மையை வெகு சீக்கிரத்தில் புரிந்து கொள்வார்கள்.

-ஹிஜாஸ் மைந்தன்.