IP: 163.*.*.* Japan

மிகவும் சந்தோஷம் மன நிறைவு தரும் நிகழ்ச்சி நல திட்டம்.

நமதூர் கடற்கரையை பற்றி ராஜாஜி போன்ற மூதறிஞர்கள் சிலாகித்துக் கூறியுள்ளார்கள். சரித்திர காலங்களில் காயல்பட்டினம் கலங்கரை விளக்கங்கள் படகு கப்பல் போக்கு வரத்துக்கள் நடை பெற்றுக் கொண்டிருந்த காயல்பட்டினம் கடல்கரை இப்படி மாசுபட்டுக் கொண்டிருக்கிறதே இந்த அவல நிலை நீங்க ஏதாவது இந்த நகர் மன்றம் நடவடிக்கைகள் மேற்கொள்ளாதா என்ற ஆதங்கம் எல்லோர் உள்ளங்களிலும் இருக்கத்தான் செய்தது . ஆனால் அதை எப்படி செயல்படுத்துவது என்று வழி தெரியாமல் இருந்தது.

காயல் நலமன்ற உறுப்பினர்கள் மாற்றி யோசிக்கும் திறன் படைத்தவர்களாக இருப்பதால் இப்போது அது சாத்தியமாகி இருக்கிறது.

இன்று கடல்கரைக்கு சென்றபோது ஒரு புதிய தூய்மையான கடல்கரை உருவாகி இருப்பதை காண முடிந்தது. நண்பர் ஷமீமுல் இஸ்லாம் தனியாக எல்லோரையும் சந்தித்து நோட்டிஸ் கொடுத்து விவரங்களையும் சொல்லி விழிப்புணர்வு ஏற்படுத்திக் கொண்டிருந்தார். ''சுத்தம் ஈமானில் பாதி'' என்ற நபிகள் நாயகத்தின் பொன்மொழிகள் ஒவ்வொருவரின் உள்ளத்திலும் பதிந்து விட்டாலே இந்த முயற்சிக்கு அதுவே பெரிய வெற்றியாக அமையும் .

நமதூர் கடல்கரைக்கு காற்று வாங்க வருபவர்கள் அநேகமானவர்கள் வெளிநாடுகளில் இருப்பவர்கள் . இலங்கை முதலிய நாடுகளில் குப்பையை வெளியே வீசி எறிவது ஒரு கூச்சமாகவே இருக்கும். மனம் அதை குற்றமாகவே நினைக்கும். அப்படி இருந்து பழகியவர்களும் இங்கு வந்த வுடன் மாறி விடுகிறார்கள் என்பதுதான் கசப்பான உண்மை. இதற்கு நானும் விதி விலக்கு அல்ல.

எது எப்படியோ நல்ல விழிப்புணர்வுக்கு வழிவகுத்து தந்த காயல் நலமன்றங்களின் உறுப்பினர்களின் நல்ல எண்ணம் நல்ல பலனை கொடுக்கும். நகராட்சி துப்புரவு அதிகாரி அவர்களும் இதில் கலந்து கொண்டிருப்பதால் அவர்கள் இந்த விஷயத்தில் தனி கவனம் செலுத்துவார்கள் என்று நம்புவோமாக.

தூய்மை பாரதம் - தூய்மை காயல் - தூய்மை இல்லம் - தூய்மை உள்ளம். இவை எல்லாமே இனி தொட்டு விடும் தூரம்தான்.

நலத்திட்ட நாயகர்களுக்கு வாழ்த்துக்கள்.